Törkiyädän Germaniyağa qırıs reakśiya
Germaniyaneñ Törkiyädäge ilçese Tışqı êşlär ministrlığına çaqırıldı
![Törkiyädän Germaniyağa qırıs reakśiya](http://cdn.trt.net.tr/images/xlarge/rectangle/5f9e/848b/dbf6/58b8e97c0503a.jpg?time=1718934782)
Törkiyäneñ ğadälät ministrı Bäkir Bozdağ häm iqtisad ministrı Nihat Zäybäkçi Germaniyada planlağan cıyılışlarnıñ ğamäldän çığarıluınnan soñ Germaniyaneñ Törkiyädäge ilçese Martin Erdmann Tışqı êşlär ministrlığına çaqırıldı.
Awrupa belän mönäsäbätlärdän cawaplı kiñäşçe urınbasarı Mäxmät Kämal Bozay tarafınnan qabul itelgän Erdmannğa Törkiyä toyğan borçu häm kürsätkän reakśiya citkerelde.
Alman ilçegä ike ministr oyıştıraçaq cıyılışlarğa röxsätneñ birelmäweneñ demokratik xoquq däwläte nigezlärenä turı kilmägän kebek süz iregenä dä qarşı totış buluı belderelde.
Ğadalät ministrı Bäkir Bozdağ Germaniyada çığış yasayaçaq çaranıñ ğamäldän çığarıluı belän bäyle bularaq Franśiyaneñ Strazburg şähärendä yasağan açıqlawında: “Bu antidemokratik ğamällärne qabul itü mömkin tügel,” – dide.
Awrupa Berlege ministrı häm başsöyläşüçe Ömär Çälik tä sośial’ mediada reaksiya belderep, Germaniya belän demokratiya, xoquq däwläte kebek urtaq qimmätlärneñ urtaqlaşıluın citkerep, tübändägeçä däwam itte: “Bu qimmätlärgä xörmät kötäbez. Watandaşlarğa mäğlümat birü demokratik xaqtır, bu xaqqa kirtä quyu qabul itelmäslek.”
Bu totış belän demokratiyalär arasındağı küperlärgä zıyan salınuın äytkän Ömär Çälik yullamasında: “Keşelärne ber-bersennän ayıruçı ideologik Berlin diwarların tözilär,” – dide.
İlbaşı idaräse süzçese İbrahim Qalın da sośial’ mediada yasağan yullamasında tübändäge yullar urın ala: “Här forsatta Törkiyägä demokratiya häm süz irege sabağın birergä teläwçelärneñ çın yözen mondıy qararlar açıp sala. Bu skandal qararnıñ PKK häm FETÖ kebek terror oyışmalarına qoçaq açuçı ildä qabul itelüe Awrupanın kiläçäge cähatennän borçu tudıra.”
Bäyläneşle xäbärlär
![Terrorçılıqqa qarşı köräş alıp barıla](http://cdn.trt.net.tr/images/medium/rectangle/828b/04e9/7c0a/666c1fc0b666e.jpg?time=1718934782)
Terrorçılıqqa qarşı köräş alıp barıla
Törkiyädä terrorçılıqqa qarşı köräş täwäkkällek belän däwam itä