Äminä Ärdoğan Süriyäle xatın-qızlarnı qabul itte
İlbaşı xäläl cefete alardan citeşterügä öleş kertülären soradı
Törkiyä ilbaşı Ärdoğannıñ xälä cefete Äminä Ärdoğan Törkiyädäge Süriyäle xatın-qızlarnı İlbaşı kölliyätendä qabul itte.
İllärendäge watandaşlar suğışı arqasında tuğan cirlären taşlap kitärgä mäcbür qalğan Süriyäle xatın-qızlarnıñ öylärenä qaytırğa teläwlären bik yaxşı alawın beldergän Äminä Ärdoğan ul könneñ dä kiläçägenä ışanuın äytte.
Ärdoğan şulay uq Törkiyäneñ qaçaqlar mäs’äläsendäge êşçänleklären xäterlätte.
Ärdoğan: “2 million 800 meñ Süriyälelärneñ 1 million 300 meñe xatın-qızlar. Bez bu yärdäm kürsätüdä berençe buluıbız belän ğorurlanabız,” – dide.
Äminä Ärdoğan törle hönär iyäläre bulğan Süriyäle xatın-qızlardan citeşterügä öleş kertülären soradı.
Süriyäle xatın-qızlarğa möräcäğat itkän Ärdoğan tübändägeçä däwam itte: “Sezneñ dä öleşegezne kötäbez, sośial’ tormışıbıznı nığıtığız. Citeşterüdä qatnaşığız.”