Tereza Mêy Änkarada

Angliya prem’yer-ministrı Tereza Mêy Törkiyä prem’yer-ministrı Binali Yıldırımnıň çaqıruı buyınça Änkarağa kilde.

Mêynıň başqaladağı berençe tuqtalışı Anıtqaber buldı.

Qunaq prem’yer-ministr Atatörek mavzoleyına çäçäklär quydı.

Tereza Mêy:” Atatörekneň “İldä tınıçlıq, dönyada tınıçlıq” vizionın cirenä citkerü öçen bergä tırışlıq kürsätüne däwam itteräçäkbez”,-dide.

Annan soň Angliya prem’yer-ministrın  ilbaşı idaräse kölliyätendä Törkiyä ilbaşı Räcäp Tayyip Ärdoğan qabul itte.

Çankaya sarayında qunaqnı prem’yer-ministr Binali Yıldırım tantanalı räweştä qarşı alaçaq.  

İke yaqlı söyläşülärdä Angliyäneň Awrupa Berlegennän çığu qararınnan soň ike il mönäsäbätläre törle yaqlap qaralaçaq.

Terrorğa qarşı köräş, Kipr,säwdä mäs’äläläre ,qaçaqlar probleması ,könüzäk regional’ täräqqiyät’lär dä kön tärtibendä bulaçaq.

İke prem’yer-ministr urtaq matbuğat oçraşuı ütkäräçäk.

Cıyılıştan soň Mêy Çankaya sarayında üz xörmätenä oyıştırılğan aş mäclesendä qatnaşaçaq.