Ärdoğan - Obama söyläşüe
Obama Ärdoğannıñ qayğısın urtaqlaştı, yaralanuçılarğa şifalar teläde
Törkiyä ilbaşı Räcäp Tayyip Ärdoğan Amerika Quşma Ştatları däwlät başlığı Barak Obama belän telefonnan söyläşte.
Obama yaña yıl tönendä İstanbulnıñ Ortaköy bistäsendä, 17nçe dekabr’dä isä Kayseri şähärendä oyıştırılğan terror höcümnärendä yaqtı dönyadan kitüçelär öçen Ärdoğannıñ qayğısın urtaqlaştı, yaralanuçılarğa şifalar teläde.
İke lider söyläşüdä terrorçılıq belän köräş mäs’äläsendä Törkiyä häm AQŞnıñ bergä êşçänlek başqarunı däwam itteräçäklären assızıqladı.
AQŞ däwlät başlığı Obama Süriyädä utnı tuqtatunıñ bar ilne üz êçenä aluın häm rejim belän oppoziśiyaçellär arasında säyäsi söyläşülärneñ başlanuın täêmin itü maqsatı belän Törkiyäneñ töbäktäge uyınçılar belän quyğan tırışlıqların täqdir itüen belderde.
Ğiraq häm Süriyädä “DEAŞ” terror oyışmasına qarşı köräştä täêmin itelgän sonğı täraqqıyätlär qaralğan söyläşüdä Ärdoğan belän Obama bu mäs’älädä Törkiyä häm AQŞnıñ däwamlı yaqın xezmättäşlek êçendä êşlärgä däwam itterüläre zarurlığı xosusında kileşte.
Kipr mäs’äläse dä quzğatılğan söyläşüdä ike lider xäzerge söyläşü barışınıñ ike töbäkle häm ike cämğiyätle çişeleş belän utrawda berlekneñ täêmin itelüe belän näticälänüen teläde.
Bäyläneşle xäbärlär
Törkiyä säwdä ministrı Aljir häm Tunisqa säfär yasıy
Ul 23-24 nçe iyün’ könnärendä Aljirda, 25 endä Tunista bulaçaq
Hindstannıñ Änkara ilçese wafat
Yaman şeş awıruınnan däwalanğan ilçe Virander Paul üz ilendä mäñgelekkä küzlären yomdı