İlbaşınıñ Yaña yıl yullaması

Törkiyä ilbaşı Räcäp Tayyip Ärdoğan Yaña yıl yullaması yasadı.

 Ärdoğan üz yullamasında tübändägelärne citkerde:

” Törkiyä soñğı yıllarda yaña bäysezlek,azatlıq köräşe alıp bara.Törkiyäneñ milli bergälege, cir bötenlege , oyışmaları, iqtisadı, tışqı säyäsäte , däwlät bularaq bezne ayaqta totuçı barlıq êlementlar höcüm astında.  Terror oyışmaları bu köräşneñ barı tik kürengän öleşe. Bez bu oyışmalarnıñ artındağı köçlär belän köräşäbez. Barı tik ilebez genä tügel, töbäk häm böten dön’ya yaña däwergä küçüneñ qıyınlıqların kiçerä. Ägär dä bu barışnı uñışlı räweştä uza alsaq bezne yaqtı kiläçäk kötä. Şuña kürä bergälek, tuğanlıqnı saqlap qalırğa tiyeşbez. Zur qıyınlıqlar belän oçraşuğa qaramastan xalqıbıznıñ yaqlawı belän zur külämle proyektlarıbıznı , investiśiyälärebezne , iqtisadnı üsterügä yünälgän adımnarıbız özleksez däwam itä. Bolarğa ireşä aluıbız Törkiyägä qarata naçar ğamälläre bulğan dairälärneñ açuın çığara. 2017 nçe yılda terrornı betererbez häm  tağın da zur uñışlarğa ireşerbez dip ışanıp qalam”.