Ärdoğan İbadi belän telefonnan söyläşte

Törkiyä ilbaşı Räcäp Tayyip Ärdoğan Ğiraq prem’yer-ministrı Xäydär Äl İbadi belän telefonnan söyläşte.

İlbaşı idaräse çığanaqları beldergänçä, söyläşüdä ike yaqlı mönäsäbätlär, terrorğa qarşı urtaq köräş mäs’äläläre turında süz bardı.

Şulay uq ike il arasında turıdan-turı dialognı nığıtunıñ ähämiyätenä basım yasaldı.

Bu qısada soñğı däwerdä küzätelgän täräqqiyät’lärdän qanäğät’ qaluları belderelde.

Söyläşüdä Törkiyä prem’yer-ministrı Binali Yıldırımnıñ ğinwar ayında Bagdatqa planlaştırğan säfäreneñ ike yaqlı mönäsäbätlärne nığıtu häm üzara fiker alışu öçen möhim forsat bulacağı assızıqlandı.