Ilgaz 15nçe iyül’ azatlıq tunnele açıldı

Törkiyä Prem’yer-ministrı Binali Yıldırım tantanada yasağan çığışında: "15nçe iyül’ azatlıq tunnele – 15nçe iyül’ tönenä iñ zur şahit”, - dip äytte.

"15nçe iyül’ tönendä millät yazğan dastan bezneñ yulıbıznı yaqtırttı”, - dip assızıqlawçı Premyer-ministr: "Alar ayırırğa, bülgälärgä tırışqan sayın bez berdäm buldıq, bergäläşep Törkiyä buldıq. Hiçber köç bu ğaziz millätne terrorçılıq belän buysındıra almayaçaq. Yäşägän qayğı-mixnätlärebezne, älbättä, onıtmayaçaqbız, onıttırmayaçaqbız. Bu qayğı-mixnätlär qabatlanmasın diyep kiläse buınnarğa citkereläçäk”, - dip belderde.

İlbaşı Räcäp Tayyip Ärdoğan da tunnelne açu tantanasında video konferenśiya belän qatnaştı.

İlbaşı Ärdoğan: "2023 maqsatlarıbızğa adım adım alğa taba barabız”, - dip basım yasadı.

Ärdoğan OECD Xalıqara iqtisadıy xezmättäşlek häm üseş oyışması äğzaläre illäre arasında Törkiyäneñ urta keremle illärdän yuğarı keremle illär kategoriyäsenä uzuın da assızıqlap äytep uzdı.

Törkiyäneñ iminlek problemaları belän bergä üsä alaçğın isbatlağan il buluına işaräläwçe Ärdoğan: "Nigezdä terror höcümnäreneñ iqtisadi höcümnär belän küätländerelüeneñ säbäbe näq menä şuşı uñış”, - dip äytte.

Çığışlardan soñ Ilgaz 15nçe iyül’ azatlıq tunneleneñ açılışı yasaldı.

Êçke Anadolunı Könbatış Qara diñgez belän totaştıraçaq tunnel’ öçen 2012nçe yılda başlatılğan tözeleş êşlärennän soñ cir astında yözlärçä metr yul uzıldı.

Kerü häm çığu urınnarı “akula awızı” räweşendä proyektlanğan, berse 5 meñ 370, ikençese isä 5 meñ 391 metrlıq ike öleştän torğan tunnel’ belän bigräk tä qış aylarında barlıqqa kilgän avtoqazalar belän bilgele bulğan Ilgaz tawında transport xäräkäteneñ tağın da tiz häm imin räweştä täêmin itelüe maqsat itelä.

Ilgaz tawı yulınıñ 16,8 çaqrımlıq ozınlığı tunnel’ açılğannan soñ 5,4 kilometrğa qısqarıp, 11,4 çaqrımğa azayaçaq. Yaqınça 35 minutta uzılğan yulda nindi dä bulsa problema bulmağan oçraqta kiçü waqıtı 8 minutqa kimiyäçäk. Proyektı äzerlängän tunnellär arasında 3nçe çiratta bulğan tunnel’ qullanıla başlanğan çaqta “transportqa açıq iñ ozın tunnel’” däräcäsen alaçaq.

Tunnel’dä yaqınça säyäxät waqıtında ber yılda 345 meñ 655 säğät, yağulıq qullanuda da 8 million 300 meñ litr êkonomiyanıñ täêmin itelüe kötelä. Tabışları barı tik monıñ belän genä çikle bulmayaçaq tunnel’neñ iqtisadqa öleşeneñ isä 38 million 200 meñ lira bulaçağı isäplänelä.