Törkiyä parlamentınnan terror höcümenä reakśiya

Parlamentnıñ ğomum şurasında çığış yasawçı “Ğadälät häm qalqınu” partiyası (AQ), “Cömhüriyät xalıq” partiyası (CHP) häm “Millätçe xäräkät” partiyası (MHP) törkem başlığı wäkilläre terrorçılıqnı gäyepläwçe belderülär yasadı.

“AQ” partiyanıñ parlamenttağı törkem başlığı wäkile Mostafa Älitaş belderüendä: "Qaysı terror oyışması ğına bulmasın, bu höcümne yasawçılar şunı belsen: ğaziz millätebezneñ berlege häm berdämlege bozılmayaçaq, kiresençä tağın da köçäyäçäk. Terrorçılıq berqayçan da Törkiyäne täslim ala almayaçaq häm ğaziz millätebezne qurqıta almayaçaq. Çönki qadim uzğanlığı bulğan şuşı ğaziz millät şanlı tarixı buyı aldında kilep çıqqan şaqtıy kirtäne bergälek häm berdämlekne saqlap qalıp, urtaq aqılnı häm añ-belemne ğamälgä quyıp, täêsirsez xälgä kiterde”, - dip äytte.

“CHP” partiyasınıñ parlamenttağı törkem başlığı wäkile Ängin Altay isä belderüendä: "Şanlı tarixıbızdan alğan şuşı köç belän terror höcümnäre aldında millät bularaq ğomum köräş alıp baraçağıbızdan häm tağın da berdäm bulaçağıbızdan berkemneñ dä şöbxäse bulmasın. Terrorçılıqqa qarşı bireläçäk iñ matur cawabıbız – qardäşlegebezne tağın da nığıtu”, - dip assızıqlap äytep uzdı.

“MHP” partiyasınıñ parlamenttağı törkem başlığı wäkile Ärkan Akçay da: "Monnan êlek “PKK”, “DEAŞ”, “DHKPC”, “FETÖ” häm başqa terror oyışmalarınıñ oxşaş räweştä şuşı terror ğamälläre aldında millät bularaq niçek itep mäğrür basıp torsaq, niçek itep terrorçılıq maqsatın yuqqa çığarsaq dik durduysak, yänä şuşılay uq qorıçtay iradäne kürsätäçäkbez. Millätebez tınıç bulsın, keşelek doşmanı terrorçılar ciñeläçäk, ğaziz törek milläte häm däwläte ciñep çığaçaq”, - dip belderde.

3 partiya terrorçılıqqa reakśiya bularaq urtaq belderge yasağan bulsa, “Xalıqlarnıñ demokratik” partiyası (HDP) isä tekstqa qul quymadı.