İstanbulda 2 ayırım terror höcüme

İstanbulda maxsus poliśiyä berämlegen maqsat itep alğan 2 ayırım terrorçı höcümdä 2-se tınıç xalıq keşese, 27 poliśiyä keşese belän bergä  29 keşe şähit buldı.

Hain höcümlärdä yaralanğan keşe sanı isä 166.

Törkiyä Premyer-ministrı urınbasarı Numan Kurtulmuş İstanbulda 10nçı dekabr kiçen ber futbol matçınnan soñ maxsus poliśiya berämleklärne maqsat itep alğan höcümnärdän berse  bombalı transport belän, ikençese isä 45 sekundtan soñ ber intixar höcümçese tarafınnan çınğa aşırılğanın  citkerde.

Kurtulmuş:

“Zur qayğı-xäsrättä  qaldıq, fäqat milli berlegebezne, terrorçılıqqa qarşı milli totışıbıznı saqlap qalırğa tiyeşbez”,dide.

Xalıqara cämäğätne isä Törkiyäne xuplarğa çaqırğan Kurtulmuş Törkiyäneñ dä böten  terror oyışmalarnı ciñep süzne tıñlattıraçaqların  belderde.

Törkiyä êçke êşlär ministrı Süläyman Soylu isä İstanbuldağı höcümneñ terrorğa qarşı alıp barılğan köçle köräşne uñışsız itüen maqsat itep alınğanı söyläde.

Soylu waqığa belän bäyle  bu waqıtqa qadär 10 keşeneñ qulğa alınğanın citkerde.

Şişli Êtfal xastaxanäse yaralanğannarnıñ     23 keşeneñ öygä cibärelgänen, 26 sınıñ isä däwalawı däwam itelgän mäğlümatın urtaqlaştı.

Törkiyä êçke êşläre ministrı Söyläyman Soylu  berse intixar höcümçese tarafınnan ikençese isä bomba töyälgän transport belän bergä 2 ayırım höcüm oyıştırılğanın açıqladı.

Waqığa buyınça başqala Änkaradan İstanbulğa kitkän Soylu hain häm tübän ber plan belän başqarılğan ber ğämäl belän qara-qarşı buluın assızıqladı.

Soylu belän bergä  Sälämätlek saqlaw ministrı  Räcäp Akdağ  wä Ğailä häm Sośial säyäsätlär ministrı Fatma Betül Sayan Kaya da kilde.

Hain höcüme belän bäyle İstanbul ğomum prokuraturası tarafınnan küp yaqlı tikşerü alıp barıla.

Höcüm belän bäyle 10 keşe qulğa alındı