Ärdoğan yañalıqlarnı yaqınnan küzätep bardı
Törkiyä däwlät başlığı Räcäp Täyyip Ärdoğan Bäşiktaştağı höcüme belän bäyle yañalıqlarnı İstanbulda yaqınnan küzätep bardı.
Törkiyä däwlät başlığı Räcäp Täyyip Ärdoğan Bäşiktaştağı höcüme belän bäyle yañalıqlarnı İstanbulda yaqınnan küzätep bardı.
Premyer-ministr Binali Yıldırım häm êçke êşlär ministrı Söläyman Soyludan mäğlümat aldı.
Törkiyä ilbaşı Räcäp Tayyip Ärdoğan:
“Allahnıñ yärdäme belän il häm millät bularaq terrorçılıqnı, terrorçılarnı häm älbättä alarnıñ arqalarındağı köçlärne ciñep çığaçaqbız, monnan berkemdä şiklänmäsen”,dide.
İlbaşı Räcäp Tayyip Ärdoğan İstanbuldağı terror höcümeneñ artınnan şuşı yazılu açıqlawnı yasadı.
Törkiyäneñ qayçan kiläçäk belän bäyle ber adım yasasa terror oyışmalarnıñ qatışqanına iğtibarnı caläp itte.
Ärdoğan:
“Soñğı yıllarda bik küp tapqır yäşängän bu tübän höcümne ğämälgä aşırğan terror oyışmanıñ isemeneñ häm ısulınıñ ber nindi ähämiyäte yuq. PKK separatist terror oyışması belän, DEAŞ terror oyışması belän, Fätullahçı terror oyışması (FETÖ) belän böten terror oyışmaları ber uq maqsat öçen ilebezgä häm millätebezgä höcüm yasıy”,-dide.
Törkiyä däwlät başlığı:
“Terror belän köräşkän Törkiyäneñ häm törek xalqınä yärdäm itü urınına terror oyışmalarnı häm terrorçılarnıñ xuplawın saylağan illärneñ bu waqığadan soñ başqa törle totış kürsätäçäklären inde kötmibez” ,-digän süzlärne qullandı.
Bu höcümneñ terror belän köräştäge täwäkkäl totışında da artışın assızıqlağan ilbaşı Ärdoğan terror belän köräşne “ ülsäm-şähit, qalsam-ğazi” añlayışın beldergän ber millätne bu yuldan kire qaytaraçaq ber qoral äle dä icat itelmägänen citkerde.
Yazulı açıqlawında höcümçelärneñ êzen küzätep baraçaqlarına iğtibarnı caläp itkän däwlät başlığı Ärdoğan:
“Meñ yıllardır bu cirlärne watan yasaw öçen aqqan qannarğa yaña ağılğan qannıñ östälgänen, tağın da ağacağın belep köräşebezne bertuqtawsız däwam itäçäkbez. Däwlät häm millät bularaq bu waqığanıñ häm bu cinayätçelärneñ êzlären küzätep baraçaqbız” , süzlärenä urın birde.