Yıldırım Rusiyä söyläşülären ütkärde
Binali Yıldırım Vladimir Putin häm Dmitriy Medvedev belän küreşep söyläşte
Törkiyä häm Rusiyä ênergetika ölkäsendäge zur proyektlar belän bäyle urtaq investiśiya fondın barlıqqa kiteräçäk.
Törkiyä premyer-ministrı Binali Yıldırım Rusiyä Federaśiyase başqalası mäskäwdäge söyläşüläre qısalarında däwlät başlığı Vladimir Putin häm premyer-ministr Dmitriy Medvedev belän küreşep söyläşte.
Östäl artındağı iñ qaynar başça Süriyädäge soñğı wazğiyät, ayıruça Halebtağı keşelek draması buldı.
Halebta küzätelüçe faciğanıñ qısqa waqıtta beterelüe häm humanitar yärdäm ireşterüneñ möhim buluın assızıqlağan Yıldırım monıñ öçen Rusiyä häm Törkiyä bularaq ğayrätneñ kürsätelüen häm şunıñ öçen Süriyädäge problemanıñ çişügä tağın da yaqın buluların äytte.
Süriyädä urnaşqan terror oyışmalarınıñ buluın assızıqlağan Dmitriy Medvedev ta Süriyädäge wazğiyätneñ totrıqlılıqqa qawışuı häm normal’läşüeneñ üzläre öçen östenlekle mäs’älä buluın beldergän.
İke il arasında ênergetikadağı zur proyektlar belän bäyle yasalğan adımnar da qaraldı.
Dmitriy Medvedev urtaq investiśiya fondın barlıqqa kiterergä qarar birülären açıqlağan.
Rusiyä tabiği gazın Törkiyä aşa Awrupağa küçeräçäk Törek Ağımı proyektında isä Mäskäwneñ raslaw êtabında buluın citkergän Rusiyä premyerı tübändägeçä däwam itte: “Törkiyä ilbaşı Ärdoğan da bäyläneşle qanunnı rasladı. Qısqa waqıtta bu kileşü bezdä dä raslaw barışınnan uzaçaq häm bätläneşle barış tämamlanaçaq.”
Törkiyä premyerınıñ Mäskäw säfärendäge soñğı söyläşüe däwlät başlığı Vladimir Putin belän buldı.
Yıldırım häm Putinnıñ 1 säğat 15 minut barğan söyläşüendä ike yaqlı mönäsäbätlär bar yaqlap qaraldı.
Binali Yıldırım: “İgençelek, turizm, transport, sänägät kebek şaqtıy ölkädä ike yaqlı investiśiyalärneñ üsterelüe öçen başqaraçaq êşçänleklärebez bar. Monıñ öçen bar ğayrätne kürsätäçäkbez,” – dide.
Premyer-ministr Yıldırım häm Putinnın söyläşüe belän bäyle bularaq kreml’dan açıqlaw kilde.
Açıqlawda: “Putin Ärdoğannıñ Törek Ağımı kileşüen xuplawına räxmätle. Premyer-ministr Yıldırımnıñ Mäskäwgä säfäre yaña yuğarı däräcäle oçraşunıñ nigezen sala,” – dip äytelgän.
