Ärdoğan Üzbäkstanda

Paqıstandağı söyläşülären tämamlağan Törkiyä ilbaşı Räcäp Tayyip Ärdoğan pänceşämbe könne êş säfäre belän Üzbäkstanğa kitte.

Ärdoğan Sämärkantta berençe itep Üzbäkstannıñ berençe däwlät başlığı İslam Kärimovnıñ qaberenä bardı.

Törkiyä ilbaşı qaber bulğan urında däwlät başlığı wäkile häm premyer-ministr Şäwkät Mirziyayev häm Üzbäkstan tışqı êşlär ministrı Abdulaziz Kamilov belän küreşte.

Üzbäkstannıñ bäysezlege öçen kärimovnın bik möhim isem buluın assızıqlağan Mirziyayev Ärdoğanğa säfäre öçen räxmäten belderde.

Üzbäkstandağı Möselmannar idaräse başlığı, möfti Usmanhan Alimov belän Sämärkant möftiye Nuridhan İslamov tarafınnan Qor’än-i Kärim uqıldı.

Ärdoğan soñınnan Mirziyayevtan mäğlümat aldı.

Wäkilleklärara aş mäclesennän soñ İmam Buhari häm İmam Maturidi törbälärenä dä baraçaq Ärdoğannıñ Sämärkanttağı soñğı tuqtalışı tarixi Registan Mäydanı bulaçaq.

Törkiyä ilbaşınıñ wäkillegendä premyer-ministr urınbasarları Tuğrul Türkäş häm Väysi Kaynak, tışqı êşlär ministrı Mäwlüt Çavuşoğlu, ênergetika häm tabiği çığanaqlar ministrı Bärat Albayrak, iqtisad ministrı Nihat Zäybäkçi häm Ğailä häm sośial’ säyäsätlär ministrı Fatma Bätül Sayan Kaya bar.

Ärdoğan Paqıstanan kitkänçe premyer-ministr navaz Şärif tarafınnan üz xörmätenä oyıştırılğan kiçke aş mäclesendä qatnaştı.

Ärdoğan aş mäclesennän soñ Twitterda Paqıstam säfäre belän bäyle yasağan açıqlawında tübändägeçä belderde: “Paqıstanpa yasalğan räsmi säfär ike il arasındağı köçle qardäşlek bağların nığıttı.”