"Könbatış "DEAŞ" yanında"
Paqıstanğa kitkän Törkiyä ilbaşı Paqıstan Parlamentında çığış yasadı
Törkiyä ilbaşı Räcäp Tayyip Ärdoğan İslam dinenä bäyläneşe bulmağan “DEAŞ” terror oyışması yanında könbatış dönyasınıñ urın aluın äytte.
Ärdoğan: “Qulğa töşerelgän qorallarnıñ könbatıştan buluın kürdek. Barlıq bolar İslam dönyasına qarşı yasala,” – dide.
Räsmi säfär belän Paqıstanğa kitkän Törkiyä ilbaşı Paqıstan Parlamentında yasağan çığışında “DEAŞ” terror oyışması belän köräştäge qıyınlıqlarnı anlattı.
Bu oyışma İslamğa salğan zıyannı başqa berkemneñ dä salmawın assızıqlağan Ärdoğan tübändägeçä däwam itte: “Könbatış xäzerge waqıtta “DEAŞ” yanında. Qulğa töşerelgän qorallarnıñ könbatıştan buluın kürdek. Barlıq bolar İslam dönyasına qarşı yasala: Süriyä, Ğiraq, Liviya, Äfğanstan. Annan soñ Äfğanstan belän Paqıstan ber-bersenä qarşı çığa. Paqıstan üzen terrorçılıqtan qotqara aldımı? Yuq. Törkiyä? Ul da qotqara almadı. Bu keşe üterüçelärne qısqa waqıtta İslam dönyasınnan çığarıp taşlarğa kiräk. Yuğisä xozurğa qawışa almabız.”
Bäyläneşle xäbärlär
Terrorçılıqqa qarşı köräş alıp barıla
Törkiyädä terrorçılıqqa qarşı köräş täwäkkällek belän däwam itä