Çavuşoğlu: “Awrupa Berlegeneñ ikeyözlelegen küräbez”

Törkiyä Tışqı êşlär ministrı Mäwlüt Çavuşoğlu, Awrupa Parlamentı başlığı Martin Şul’śnıñ açıqlawlarınıñ bernindi täêsire bulmawın belderep: “Köçe citä ikän, ul çaqta “PKK” separatist terror oyışmasınıñ Awrupa parlamentındağı êşçänlegen tuqtatsın”, - dip äytte.

Çavuşoğlu räsmi säfär belän başqala Änkarağa kilgän Qıtay xezmättäşe Wan Yi belän küreşep söyläşkännän soñ oyıştırğan urtaq matbuğat oçraşuında sorawlarğa cawap birde.

Mäwlüt Çavuşoğlu ber soraw uñayınnan: "Şul’śnıñ yanawçan açıqlawlarınıñ bernindi täêsire yuq. Şul’ś Awrupa parlamentındağı “PKK” êşçänlegen tuqtatsın, köçe citä ikän, terror oyışmalarına qarşı süz äytsen. İqtisadi çikläwlär mäs’äläsendä dä telägänen yasıy ala. Awrupa Berlegeneñ häm Awrupa parlamentı başlığınıñ ikeyözlelegen, ikele standartın küräbez”, - dip äytte.

Germaniyanıñ “Bild am Sonntag” gazetına äñgämä birüçe Şul’ś Törkiyädäge könüzäk täräqqiyätlärne bäyälägän, “Fätullahçı” (FETÖ/PDY) terror oyışması/parallel däwlät qorılışınıñ 15nçe iyül’däge tüntäreleş kereşüe arqasında bäxäsläşelgän “ülem cäzası ğamälgä kertelgän” oçraqta Awrupa Berlegeneñ iqtisadi sankśiya ixtimalın uylıy alaçağın alğa sörgän ide.

"Törkiyä-Qıtay Tışqı êşlär ministrları kiñäşmä mexanizmı”nıñ berençe cıyılışınıñ açıq häm êçkersez, samimi räweştä uzuına iğtibarnı yünältüçe Qıtay Tışqı êşlär ministrı Wang Yi dä ike ilneñ, oçratqan yaña forsatlarnı qullanıp, strategik xezmättäşlektä tağın da tizräk alğa taba barunı maqsat itüen äytte.

İke ilneñ terrorçılıq belän köräş xezmättäşlegen arttırıp, urtaq iminlekne bergä urnaştıru ölkäsendä ber fikerdä buluına da basım yasawçı Wang: "Motlaq räweştä xalıqara terrorçılıq belän köräş xezmättäşlegebezne köçäytergä tiyeşbez”, - dip äytte.

Regional’ problemalarnıñ säyäsi çişeleşeneñ dä Berläşkän Millätlär Oyışması idaräsendä êzlänüeneñ zarurlığın belderüçe Wang: "Çınbarlıqqa turı kilgän häm taraflarnıñ sizgerlegenä iğtibar itelgän çişeleş bergä tabılırğa tiyeş”, - dip assızıqlap äytep uzdı.