Prem’yer-ministr Trampnı täbrik itte

Törkiyä prem’yer-ministrı Binali Yıldırım Amerika Quşma Ştatlarınıñ 45 nçe ilbaşı bulıp saylanğan Donal’d Trampqa telefonnan şaltıratıp anı täbrik itte.

İke yaqlı xörmät, urtaq mänfäğät häm qimmätlärgä nigezlängän Törkiyä –AQŞ mönäsäbätläreneñ bügenge köndä härwaqıttağıdan tağın da möhim buluın assızıqlawçı Yıldırım aldağı däwerdä xezmättäşlekne kamilläşterü öçen urtaq tırışlıqlarnıñ däwam itäçägen citkerde.

Prem’yer-ministr Yıldırımğa räxmätlären citkergän Tramp Törkiyägä zur ähämiyät birüen , ike il mönäsäbätlären üsterüneñ berençe çirattağı mäs’älä buluın belderde.  

Söyläşüdä şulay uq regional’ häm xalıqara mäs’älälärdä koordinaśiyäne nığıtu häm bu qısada ike yaqlı yuğarı däräcäle êlemtälärne däwam itterügä dä basım yasaldı.