"Awrupa Berlegennän xezmättäşlek kötäbez"

Törkiyä Awrupa Berlege ministrı häm başsöyläşüçe Ömär Çälik Törkiyäneñ Awrupa Berlegennän terrorçılıq belän köräştä tögäl xezmättäşlek kötüen äytte.

Ömär Çälik Awrupa Berlege Komissiyaseneñ kiñäyüdän cawaplı komissarı Yohannes Han belän telefonnan söyläşte.

Çälik qarşı yaqnıñ taläbe buyınça uzğan söyläşüdä Awrupa Berlege yasağan soñğı açıqlawlardan soñ Törkiyäneñ sizgerleklären Han belän urtaqlaştı.

Törkiyäneñ PKK häm Fätullahçı terror oyışması/parallel’ däwlät qorılışı belän ber rättän barlıq terror oyışmalarına qarşı täwäkkäl köräşeneñ däwam itäçägen citkergän Çälik terror oyışmalarına yärdäm kürsätüçe dairälär belän köräş alıp baraçaqların, terror oyışmalarınıñ xärbi bulmağan, säyäsi häm xökemdäge xuplawçılarına da tolerantlık kürsätüläreneñ mömkin bulmawın belderde.

Çälik Awrupa Berlegeneñ açıqlawlarında Törkiyäneñ terrorçılıqqa qarşı köräşenä ber cömlä belän xuplaw kürsätüeneñ citärle bulmawın, berlektän terrorçılıq belän köräş mäs’äläsendä tögäl xezmättäşlek kötülären assızıqladı.

Törkiyä - Awrupa Berlege mönäsäbätläreneñ tänqiti açıqlawlar urınına mönäsäbätlärne üsteräçäk xezmättäşlek mömkinlekläre belän nığıtıluı zarurlığına iğtibar cälep itkän Ömär Çälik bu xosusta Awrupa Berlege Komissiyasenä möhim wazifanıñ töşüenä basım yasadı.

Ministr Çälik Törkiyä häm Awrupa Berlegeneñ tağın da köçle yärdämläşü häm xezmättäşlek êçendä buluı zarurlığın citkerde.