Yıldırım - Şul’ŝ söyläşüe

Törkiyӓ premyer-ministrı Binali Yıldırım Awrupa Parlamentı başlığı Martin Şul’ŝ belӓň telefonnan söylӓşüendӓ Törkiyӓdӓge tӓraqqıyӓtlӓrneň Awrupa cӓmӓğatçelegenӓ yalğış çağıldırıluınnan cӓmӓğatçelekneň tınıçsız buluın citkerde.

Yıldırım Awrupa Parlamentı başlığı belӓn telefonnan söylӓşte.

Şul’ŝ söylӓşüdӓ Törkiyӓdӓge tӓraqqıyӓtlӓr mӓs’ӓlӓsendӓ açıqlaw yasadı. Şul’ŝ Törkiyӓ-Awrupa Berlege xezmӓttӓşlegeneň urtaq qimmӓtlӓr hӓm mӓnfӓğatlӓr nigezendӓ tağın da tirӓnӓytelüe yaqlı buluın, bar Awrupa öçen möhim partner bulğan Törkiyӓdӓge tӓraqqıyӓtlӓrneň tabiği bularaq Awrupa cӓmӓğatçelege tarafınnan yaqınnan küzӓtelüen belderep, ber-bereňne yaxşı aňlawnıň bik möhim buluın açıqladı.

Premyer-ministr Yıldırım da Törkiyӓdӓge tӓraqqıyӓtlӓr xaqında ӓňgӓmӓdӓşenӓ mӓğlümat birde. Awrupadağı qayber dairӓlӓrneň yalğış hӓm ӓz mӓğlümat arqasında qayber nigezsez tiskӓre fikerlӓr belӓn Törkiyӓ xaqında yalğış açıqlaw yasawın aňlatqan Yıldırım ilneň xӓzerge waqıtta PKK hӓm FETÖ belӓn ber rӓttӓn qanlı terror oyışmalarına qarşı körӓş alıp baruın hӓm terrorçılıqnıň watandaşlarnı maqsat itep alunı dӓwam itterüen belderde.

Yıldırım ayıruça Törkiyӓneň Awrupa Berlegenӓ quşıluı maqsatınıň tӓwӓkkӓllek belӓn dӓwam itüen, törek hӓm Awrupa Berlege citӓkçeleklӓre arasındağı dialognıň artıp, dӓwam itüen telӓwlӓren citkerde.

Premyer-ministr Binali Yldırım hӓm Awrupa Parlamentı başlığı Şul’ŝ kilӓse çorda Törkiyӓ-Awrupa Berlege xezmӓttӓşlege belӓn kön tӓrtibendӓge qalğan mӓs’ӓlӓlӓrneň ike yaqlı yuğarı dӓrӓcӓle söylӓşülӓrdӓ qaraluı mӓs’ӓlӓsendӓ kileşte.