“İke il şaqtıy tarmaqta xezmättäşlek başqara”

Törkiyä tışqı êşlär ministrı Mävlüt Çavuşoğlu räsmi säfär belän Törkiyägä kilgän Franśiya tışqı êşlär ministrı  Jan-Mark Êyro belän küreşep söyläşte.

 Çavuşoğlu söyläşüdän soñ ütkärelgän urtaq matbuğat oçraşuında ike ilneñ şaqtıy tarmaqta xezmättäşlek başqaruın assızıqladı.  

Törkiyä tışqı êşlar ministrı bolardan berseneñ Sinopta tözeläçäk atom-töş ênergiya stanśiyäse proyektı buluın citkerde.

Törkiyä häm Franśiyanıñ terror höcümnärennän zur zıyan kürgän ike il buluın belderüçe Çavuşoğlu bu säbäple ike ilneñ terrorğa qarşı köräş mäs’älasendä xezmättäşlek başqaruın belderde.

Töbäktäge täräqqiyätlär mäs’äläsendä Törkiyä belän Franśiyanıñ urtaq fikerdä buluına basım yasawçı Mävlüt Çavuşoğlu ayıruça Süriyä probleması, Xalebta utnı tuqtatu, säyäsi çişeleş ,Äsäd häm şulay uq Ğiraq mäs’äläsendä töbäkneñ çınbarlıqların iñ yaxşı räweştä bilgeläwçe häm kön tärtibenä kiterüçe ike il buluın, bu mäs’älälärdä tulısınça urtaq fikerdä buluların citkerde.

Çavuşoğlu ike ildä terror höcümnärennän soñ ğamälgä kertelgän ğadättän tış xäl turındağı sorawğa alar arasında ayırma bulmawına basım yasadı.

Törkiyä tışqı êşlär ministrı Musulnı “DEAŞ”tan qotqaru öçen başlatılğan operasiyädä Törkiyäneñ 4 F-16 reaktiv oçqıç belän qatnaşuın citkerde.

Çavuşoğlu :” Franśiya belän bergä Törkiyäneñ dä urtaq maqsatı – Süriya häm Ğiraqnı “DEAŞtan arındıru “,-dide.

Franśiya tışqı êşlär ministrı Jan-Mark Êyro Süriyädäge täräqqiyätlärneñ Törkiyägä nıq yoğıntı yasawın belderde.

 Sıyınuçı problemasına da tuqtaluçı qunaq ministr Törkiyä häm Awrupa Berlege mönäsäbätläreneñ ähämiyätenä basım yasap:” “Törkiyä dönyada iñ küp sıyınuçı qabul itkän il. Qaçaq krizisın çişü öçen Törkiyä häm Awrupa Berlege arasındağı mönäsäbätlär mäcbüri mönäsäbätlär.Bu mäs’älädä  2015 nçe yılnıñ mart ayında qabul itelgän qararlar (Kire qabul itü kileşüe) ğamälgä kertelä başladı. Awrupa Berlege belän Törkiyä xezmättäşlege bik möhim. Bu yünäleştäge alğarışlarnıñ xäzerge waqıtqa qadär qabul itelgän yöklamälär qısasında  däwam itüe  kiräklegenä ışanabız”,- dide.