“Färat qalqanı”: 44nçe kön

Süriyäneñ tönyağınıñ terror êlementlarınnan çistartıluı öçen 24nçe avgustta Törkiyäneñ äydäp baruçanlığında “Färat qalqanı” xäräkäteneñ 44nçe könendä Törek qorallı köçläre “DEAŞ” terror oyışmasına qarağan 68 maqsatnı bombaladı.

68 maqsatqa 252 gaubiśa, 80 küp köpşäle granatomyot häm 31 tank atışı yasaldı.

Atışlar näticäsendä “İrekle Süriyä ğaskäre”neñ alğa taba baruın totqarlağan kirtälär, “DEAŞ” qa qarağan nığıtmalar, waqıtlı sıyınu urınnarı häm terrorçı törkemnäre töğayen bularaq yuqqa çığarıldı.

Törek qorallı köçlärenä bäyle oçqıçlar da Aktarin häm Kabtanda urnaşqan 8 maqsatqa 10 bomba atışı başqarıldı.

“DEAŞ” êlementlarınıñ qoral nığıtması bularaq qullanğan 7, citäkçe däräcäsendäge terrorçılar urnaşqan 1 bina belän bergä cämğise 8 bina belän 1 kontrol’ noqtası häm 1 “Doçka” pulemyotı töyälgän maşina yuqqa çığarıldı.

Koaliśiya köçläre tarafınnan Törekmän Barı könyağında bilgelängän “DEAŞ” êlementlarına qarşı ütkärelgän hawa operaśiyasında da “DEAŞ” äğzase 3 terrorçı täêsirsez xälgä kiterelde.