“Färat qalqanı” xäräkätendä 35 kön

Törek qorallı köçläre alıp baruçı “Färat qalqanı” xäräkäte qısalarında “DEAŞ” terror oyışması äğzäse ber terrorçı täêsirsez xälgä kiterelde.

Oyışmağa bäyle buluı bilgelängän30 maqsatqa da 57 gaubiśa atışı yasaldı.

Süriyäneñ tönyağın terror êlementlarınnan çistartıluı öçen Törkiyäneñ äydäp baruçanlığında 24nçe avgustta başlanğan “Färat qalqanı” xäräkätendä 35 kön uzdı.

“DEAŞ” terror oyışması dönyada bik äz ildä bulğan qorallı oçu apparatları belän Törek qorallı köçlärenä höcüm itte, 3 ğaskäri ciñelçä yaralandı.

Oppoziśiyäçel törkemnärneñ Süriyädäge alğa taba baruı isä däwam itä.

Törek qorallı köçläre dä ut açu caylanmaları belän oppoziśiyağa yärdämen däwam itterä.

Küzläw häm küzätü çaraları belän “DEAŞ” terror oyışmasına qarağan buluı bilgelängän 30 maqsatqa “Dawıl” gaubiśası belän 57 atış yasaldı.

Xäräkät başlanğannan birle bügengä çaqlı ber meñ 337 maqsatqa 5 meñ 91 atış yasaldı.

“DEAŞ” terror oyışması maqsatlarına “HGK-1” milli bomba belän höcüm itelde.

Milli bombanıñ sürätläre berençe märtäbä matbuğat belän urtaqlaşıldı.

Ul sürätlärdä Tall Ar, Amiriyah häm Äl Äyyubiyahta urnaşqan dürt maqsatqa biş milli bomba ırğıtıldı.

İdarä üzäge häm qoral nığıtması bularaq qullanılğan 4 binada bulğan “DEAŞ” êlementları täêsirsez xälgä kiterelde.

Koaliśiya köçläre oyıştırğan hawa xäräkätendä “DEAŞ” terror oyışması êlementları qullanğan ber bina yuqqa çığarıldı, 1 terrorçı da täêsirsez xälgä kiterelde.

Ayıruça “DEAŞ”tan çistartılğan töbäklärdä 28 mina häm 981 şartlatqıç kontrolle räweştä täêsirsez xälgä kiterelde.