"Gülänne qanat astına alunı däwam ittersägez monıñ näticäläre awır bulır”

 Törkiyä ilbaşı idaräse süzçese İbrahim Qalın “Fätullahçı terror oyışması/parallel’ däwlät qorılışı”(FETÖ) citäkçesen Törkiyägä qaytarıp birmäw näticäläreneñ bik awır häm ozın möddätle bulacağın kisätte.

Törkiyä teleradiokompaniyäse TRT tapşıruında qatnaşıp kön tärtibe belän bäyle sorawlarğa cawap birüçe Qalın bu oyışmanıñ üze tamır cäygän barlıq illärdä törle qatlamnarğa ütep kerä alacağın belderde.

İbrahim Qalın Törkiyä ilbaşı Räcäp Tayyip Ärdoğannıñ sişämbe könne Berläşkän Millätlär Oyışması ğomum şurasında çığış yasap aqıl, vöcdan,keşelek dönyası häm märxämätneñ tawışı bularaq böten dönyağa möräcäğät itüen citkerde.  

 Süzçe Ärdoğannıñ üz çığışında 15 nçe iyül’däge tüntäreleş kereşüena basım yasawın äytte.

Qalın  “FETÖ” citäkçese Fätullah Gülänne kire qaytarıp birüdän êlek qulğa alu yäisä saq astına alu belän bäyle xoquqi barışnıñ däwam itüen añlattı.

”FETÖ” citäkçeseneñ başqa öçençe ilgä cibärelüe belän bäyle sorawğa Qalın bolay dip cawap birde:” Bez turıdan turı Törkiyägä qaytarıp birelüen taläp itäbez. Ul-Törkiyä Cömhüriyäte watandaşı. Törkiyädä êşlägän cinayätläre öçen taläp itelä. Bez anıñ öçençe ilgä tügel, Törkiyägä cibärelüen sorıybız. Xäzerge qadär barlıq räsmi möräcäğätlärebez  bu qısada yasaldı.Şuña kürä Amerikanıñ bu mäs’älä xaqında yaxşılap uylawı kiräk. Törkiyäne yuğaltu bärabärenä anı qanat astına alunı däwam ittersägez monıñ näticäläre bik awır häm ozın möddätle bulır”.

Bügenge köndä Törkiyädä tüntäreleş kereşüen “FETÖ” başqaruın barı tik bilgele ber törkem, partiya ğına uylamawın,törek cämğiyäteneñ barısı diyärlek bu mäs’älädä urtaq fikerdä buluın belderüçe ilbaşı idaräse süzçese Qalın”Moña iğtibarsız qalsağız, Törkiyä cämğiyäten yalğış añlarsız. “Fätullahçı terror oyışması/parallel’ däwlät qorılışı”(FETÖ) barı tik Törkiyä yäisä AQŞqa yanawçı oyışma tügel, tamır cäygän barlıq illärdä Törkiyädäge kebek ğamällär başqarırğa mömkin”dide.