Ukrainalı yätimnär Törkiyädä

Ukrainada yätimxanälärdä yäşäwçe berkeme bulmağan 30 bala ber tur şirkäte tarafınnan alıp barıluçı “Balalarğa dönyanı aç” isemle sośial’ cawaplılıq proyektı qısalarında Muğla şähärenä kilgän.

Balalar öçen Dalaman hawa mäydanında qarşı alu tantanası oyıştırılğan.

Hawa mäydanı ğomüm mödire Hamdi Güvänç proyekt qısalarında ukrainalı balalarnı Muğlada qunaq itüdän qanäğat buluların äytte.

Ukrainanıñ dus häm qardäş il buluın beldergän Güvänç: “Proyektnıñ bar dönya balalarınıñ qardäşlege öçen ürnäk buluın telim. Töbägebezgä kilgän ukrainalı balalarnıñ kiläçäktä Törkiyäne yaratacağına çın küñeldän ışanam,” – dide.

Tur şirkäte mödire Mostafa Özdän isä Ukrainadağı yätim balalarnıñ berençe tapqır çit ilgä barularına işarät itte.

Özdän: “Alar öçen 7 kön buyına bik matur häm küñel açuçı programma äzerlädek,” – dide.

Şirkätneñ Ukrainadağı marketing mödire Yuliya Krasilnikova da yätim balalardan ayıruça sport häm sänğat ölkälärendä üzlären kürsätüçelärne Törkiyägä alıp kilülären citkerep: “Balalar Muğlada waqıtta yal itäçäk häm sośial çaralarda qatnaşaçaq,” – digän.