Çälik: “Watannı saqlaw burıçın ütädelär”
Ömär Çälik: “Xalıq qarşılıq kürsätmäsä ide, Törkiyä çit il köçeneñ yawına duçar bulaçaq ide”
Törkiyäneñ Awrupa Berlegennän cawaplı ministrı häm baş söyläşüçe Ömär Çälik “Fätullahçı” (FETÖ/PDY) terror oyışması/parallel däwlät qorılışınıñ 15nçe iyül’däge tüntäreleş kereşüendä xalıq qarşılıq kürsätmäsä ide, Törkiyäneñ çit il köçeneñ yawına duçar bulaçağın äytte.
“PKK” häm “FETÖ” terror oyışmaları belän bäyle tikşerü qısalarında wazıyfalarınnan alınğan 28 cirle xakimiyät başlığınıñ urınına yasalğan wazıyfalandırularnı bäyäläwçe Ömär Çälik köräşneñ “FETÖ” häm “PKK” terror oyışmalarınıñ protekśiyasın başqaruçı zihen belän alıp barıluın äytte.
15nçe iyül’ tüntäreleş kereşüenä dä tuqtalıp uzuçı Çälik: "Ul tüntäreleş kereşüeneñ başqa tüntäreleş kereşülärennän ayırması bar. 1960da, 1971dä, 1980nçe yıldağı başqa tüntäreleş kereşüläre rejimnı maqsat itep alğan ide, ämma 15nçe iyül’ tüntäreleş kereşüe böten däwlätne basıp alırğa, däwlätneñ qorılışın başqa ber köçkä tapşırırğa tırışqan çit il yaw kereşüe. Şuña kürä dä 15nçe iyül’dä tüntäreleş kereşüenä qarşı toruçılar nigezdä bu ilneñ yawlap alınuına qarşı tordı. Watannı saqlaw burıçın ütädelär”, - dip äytte.
