Cärablusqa êlektr birelde

Törek qorallaı köçläre citäkçelegendä Färat qalqanı operaśiyase belän qısqa waqıtta “DEAŞ” terror oyışmasınnan alınğan Süriyäneñ Cärablus töbägenä êlektr birelä başlandı.

Cärablus bu terror oyışması kürsätkän qayğılarnıñ êzlären beterä başladı.

Ozaq waqıttan birle ut bulmağan şähärdä berençe êlektr kiçke säğatlärdä birelde.

Cimerelgän êlektr bağanaları, özelgän çıbıqlar Törkiyädän kitkän törkemnär tarafınnan tözekländerelde.

Häm bäyräm aldınnan Cärablus êlektrğa qawıştı.

Törkitörkiäneñ Sälamätlek saqlaw ministrlığı da Cärablus şähär üzägendä Qır xastaxanäse qordı.

Xastaxanägä Cärablus xalqı bik söyende.

Gaziantäp şähär xaqimiyäte dä balalar öçen park yasata.

Färat qalqanı operaśiyase belän “DEAŞ” terror oyışmasınnan çistarınğan Cärablus häm tirä-yağın ber yaqtan bäyrämne kötälär.

Cärabluska açılğan Karkamış tamğaxanä qapqasında 4nçe köndä dä xäräkät küzätelä. Törkiyädän häm Süriyädän kilüçelär belän bergä ilçäneñ xalıq sanı 20 meñgä citte.

İkençe yaqtan Süriyäneñ tönyağında 24nçe avgust könne Törek qorallı köçläre citäkçelegendä başlatılğan “Färat qalqanı operaśiyase” belän “DEAŞ” terror oyışmasına qarşı köräş däwam itä.

Törek qorallı köçläre ber yaqtan bilgelängän maqsatlarğa ut aça, ikençe yaqtan da yärdäm kürsätüçe törkemnärgä logistik yärdäm täêmin itä.

Operaśiyadä bügengä qadär barlığı 501 urınğa 2 meñ 189 tapqır ut açıldı.

Ayıruça 6 mina, 41 quldan yasalğan şartlatqıç yuqqa çığarıldı.

İminlek köçläre Ğadättän tış xällär räislege AFAD häm Qızılayğa bäyle törkem belän İrekle Süriyä Armiyase häm tınıç xalıqqa qarağan logistik êşçänleklärgä dä yärdäm kürsätä.

Törek qorallı köçläre töbäktä yäşäwçe xalıqnın zıyan kürmäwe öçen sizgerlek kürsätä.