İstanbulda Finans sammitı başlıy

Bıyıl cidençese oyıştırılaçaq yuğarı däräcäle oçraşuda dönya iqtisadına yünäleş birüçe küp sanda qarar qabul itüçe zatlar, şäxsi tarmaq wäkilläre häm uqıtuçı-ğalimnär qatnaşa.

Awrupa häm Yaqın Könçığış belän bergä dönya külämendä aldınğı bulğan şaqtıy oyışma wäkilenä möhim xezmättäşlek forsatların täqdim itüçe yuğarı däräcäle oçraşunıñ töp teması "Geopolitik risklar häm finans" bularaq bilgelände.

Sammitnıñ berençe könendä irtänge programmada Premyer-ministrnıñ iqtisadtan cawaplı urınbasarı Mäxmät Şimşäkneñ häm töştän soñğı açılışında isä İqtisad ministrı Nihat Zäybäkcineñ çığış yasawı kötelä.

İstanbul finans sammitınıñ soñğı könendä Qalqınu (üseş) ministrı Lütfi Älvan häm Finans ministrı Naci Ağbalnıñ notıq söyläwçe bularaq qatnaşuı kötelsä, Awrupa parlamentı başlığı urınbasarı Ryszard Czarnecki belän bergä küp sanda bank häm şirkät ğomum mödirläre belän idarä şurası başlıqları da doklad yasayaçaq.