Färat qalqanı 8nçe könendä

Törek qorallı köçläre Färat qalqanı operaśiyaseneñ 8nçe könendä Zavgar häm Külliyah töbäklärendä ber törkem terrorçı, sıyınu urını bularaq qullanılğan 4 binanı, Hawa köçlärenä bäyle oçqıçlar belän yuqqa çığarıp, täêsirsez xälgä kiterde.

Ğomüm ştab rislegennän yasalğan açıqlawğa kürä Törek qorallı köçläre ayıruça bu töbäklärdäge 25 urınğa dawıl gaubiśalarınnan ut açtı.

Açıqlawğa kürä Törek qorallı köçläreneñ urtaq wazifa törkemnäre häm Koaliśiya hawa köçläre tarafınnan Süriyäneñ Törkiyä çigendäge Cärablus töbägendä terrorçılıqqa qarşı alıp barıluçı Färat qalqanı operaśiyase Törkiyäneñ xalıqara xoquqqa bäyle xaqları häm Berläşkän Millätlär Oyışması kileşüeneñ 51nçe maddäsendä urın aluçı Legal’ yaqlaw xaqı belän BMOnıñ “DEAŞ” terror oyışması belän köräşkä qarağan qararları qısalarında başqarıla.

Koaliśiya hawa köçlärenä bäyle xärbi oçqıçlar da Güzälmäzra töbägen hawadan tınıçsız itüe näticäsendä “DEAŞ” terror oyışmasına bäyle qorallı transport çarasın yuqqa çığardı.

Terror oyışmalarına qarşı Süriyäneñ tönyağında qorılğan koaliśiya operaśiyasenä yärdäm kürsätüçe Törek qorallı köçläre töbäktä yäşäwçe tınıç xalıqnıñ zıyan kürmäwe öçen härtörle çaranı kürde.

24nçe avgust könennän başlap koaliśiya qısalarında alıp barıluçı Färat qalqanı xäräkätendä Bäysez Süriyä armiyase belän bergä töbäktä barlığı 32 awıl terrorçılardan arındırılıp, tınıç xalıqnıñ qaytuına yaraqlı xälgä kiterelde.