Süriyädä “Färat qalqanı” xäräkäte däwam itä

Törek qorallı köçläreCärablustağı xäräkät belän bäyle belderü yasadı.

Belderüdä “İrekle Süriyä ğaskäre” tarafınnan Cärablus töbägendä alıp barıluçı "Färat qalqanı" xäräkätenä yärdäm itüçe törkemnärgä ut açuı bilgelängän terrorçılarğa qarşı Törek qorallı köçläreneñ koaliśiya qısalarında ütkärgän hawa xäräkäte näticäsendä “PKK/PYD” äğzase 25 terrorçınıñ täêsirsez xälgä kiterelüe äytelde.

Hawa xäräkäte waqıtında terror törkemnäreneñ qullanuı bilgelängän 5 bina da yuqqa çığarıldı.

Şul uq waqıtta Cärablusta 10,  Rai töbägendä isä 3 awıl terrorçılardan çistartılıp “İrekle Süriyä ğaskäre” kontrolenä küçte.

Ministrlar Kabinetınıñ koordinaśiya üzägennän mäs’älä belän bäyle bularaq yasalğan yazma belderüdä “DEAŞ” terror oyışması belän bergä Süriyädäge terror oyışmalarınıñ Törkiyägä qarata yanawlarınıñ xalıqara xoquqqa bäyle legal’ saqlanu xoquqı qısalarında yuqqa çığarıluı, çik buyınıñ terrorçı êlementlardan çistartıluı, terror oyışmalarınıñ kontrole astındağı töbäklärdä yäşäwçe xalıqqa humanitar yärdämneñ citkerelüe häm “DEAŞ” belän köräştä xalıqara koaliśiyağa bulışlıq itü maqsatınnan çığıp Törek qorallı köçläreneñ 24nçe avgust irtäsendä başlatqan "Färat qalqanı” xäräkäteneñ däwam itüe assızıqlandı.

Xäräkät qısalarında “İrekle Süriyä ğaskäre”neñ könbatış häm könyaq yünäleşennän alğa taba baruına basım yasalğan belderüdä: "Cärablus töbägendä Amärina, Ayn Äl Bayda, Dabis, Balaban, Suraysat, Cäbäl Kussa, Qırıq mäğarä, Kırata, Tübän Amerina häm Äz Zahiriyah awılları häm Rai töbägendä Ayyaşä, Şäyex Yaqup häm Kärsanlı awılları terrorçı êlementlardan çistartılğan häm “İrekle Süriyä ğaskäre” kontrolenä uzğan”, - dip äytelde.

Belderüdä xäräkät qısalarında çik buyındağı terrorçı êlementlarnıñ çistartıluı häm töbäkkä humanitar yärdämneñ citkerelüeneñ däwam itelüenä iğtibar yünältelde.

Ministrlar Kabinetınıñ koordinaśiya üzäge "Färat qalqanı” xäräkäte waqıtında tınıç xalıqqa höcüm itelüe turındağı raslawlarınıñ döreslekkä turı kilmäwenä basım yasalıp, Törek qorallı köçläreneñ bu mäs’älädä maksimal’ sizgerlek kürsätüe assızıqlandı.