Qızılay Cerabluska yärdäm kürsätä

Törek Qızılayı ğomüm başlığı Käräm Kınık Qızılaynıñ Cerabluska yärdämnäre mäs’äläsendä Törkiyä ilbaşı Räcäp Tayyip Ärdoğanğa mäğlümat birde.

Ärdoğan Käräm Kınık belän Qızılaynıñ idarä häm tikşerü şurası äğzalären İstanbul Tarabyadağı Hubär sarayında qabul itte.

Kınık matbuğatqa yabıq bularaq oyıştırılğan qabul itüdän soñ jurnalistlarğa yasağan açıqlawında şimbä könne Qızılay yärdämnären Süriyäneñ Cerablus töbägenä citkerülären xäterlätep, töbäktäge soñğı wazğiyätne Ärdoğanğa belderülären äytte.

Qızılaynıñ Süriyäneñ tönyaq liniyasendä häm ayıruça awır xäldäge geografiyalärgä qarata yärdämnäreneñ däwam itüen assızıqlağan Kınık Ärdoğannıñ Cerablusnıñ yaña humanitar koridor buluına qarağan boyırıqların da üzlärenä bäyan itüen assızıqladı.

Kınık: “Bez dä bu qısada ayıruça Äl-Bab häm Xalebkä qadär barıp citäçäk bu liniyane humanitar koridor bularaq qullanu öçen äzerlänäçäkbez,” – dide.

Kınık Cerablus töbägendä 3 kön buyı azıq-tölek yärdämnäreneñ däwam itüen, yärdämnärneñ ayıruça Cerabluska qaytqan êlekke xalqına, yaña öy xucalarına kürsätelüen añlattı.

Käräm Kınık Törkiyä ilbaşı belän Qorban bäyrämendä Ğazzägä cibäreläçäk ikençe yärdäm köymäsen dä söyläşülären açıqlap, berençe yärdäm köymäseneñ niçek itep taratıluın, Fälästinlelär tarafınnan niçek qabul itelüen Ärdoğanğa añlatuların citkerde.

Qızılay ğomüm başlığı Qorban bäyrämendä Ğadättän tış xällär idaräse räislege AFAD belän bergä Somali häm Efiopiyağa ikençe köymäne ber üq waqıtta cibäräçäklären citkerülären belderde.