Kurtulmuş: “Tüntäreleş monnan arı mömkin tügel”

Premyer-ministr urınbasarı Numan Kurtulmuş “Fätullahçı” (FETÖ/PDY) terror oyışması/parallel däwlät qorılışınıñ tüntäreleş kereşüeneñ motlaq räweştä säyäsi öleşeneñ buluı zarurlığın belderde.

Premyer-ministr urınbasarı Kurtulmuş şäxsi ber televideniyädä yasağan çığışında: "Motlaq räweştä bu tüntäreleşneñ qaydadır nindider ber räweştä säyäsi öleşeneñ buluı zarur. Törkiyäneñ säyäsi täcribäse şunı añlata. Kemder, nider – ul bezneñ êşebez tügel. Bez säyäsät bularaq şuşı bilgeläwne yasarbız”, - dip äytte.

“15nçe iyül’däge tüntäreleş kereşüennän soñ qurqınıç tulısınça uzdımı?” – digän sorawğa Kurtulmuş: “Qurqınıçtan närsä añlawıbızğa bäyle. Qorallı baş kütärü mäğnäsendä Törek qorallı köçläre nigez itep qullanılıp yañadan tüntäreleş kereşüeneñ yasala alınuı monnan arı mömkin tügel”, - dip cawap birde.

Kurtulmuş, oyışmanıñ 40 yıl äzerlek yasawın, şaqtıy urında kripto keşeläreneñ buluınıñ belenüen assızıqlap, bu oyışmanıñ äle dä êçtä häm çittä bik üzgä bäyläneşlärne xäräkätländerä alu mömkinlegeneñ buluın belderde.

“FETÖ” belän köräşneñ qatğilıq belän alıp barıluına basım yasawçı Kurtulmuş bu oyışma belän bäyle, härtörle bäyläneşe bulğan, härtörle yärdäm kürsätkän härkemneñ monıñ näticäsen tüläyäçägen äytte.

“FETÖ” atamanı Fätullah Gülänneñ Amerika Quşma Ştatlarınnan qaytarıluı mäs’äläsen bäyäläwçe Numan Kurtulmuş 7nçe avgusttağı Demokratiya häm şähitlär mitingınnan soñ tağın da alğa kitkän wazğiyättä buluın assızıqlap äytep uzdı.

Kurtulmuş AQŞ citäkçeläreneñ qulı qanlı terror atamanı, üz watandaşınnan 240 keşene ber töndä küpläp ütergän oyışmanıñ liderı yäisä 79 million törek xalqı arasında saylap alaçağın äytte.

7nçe avgusttağı mitinglarnıñ Törkiyä öçen yaña çor buluın belderüçe Kurtulmuş: "Berkemneñ dä dönyanıñ iñ zur mitingı bulğan törle ictimaği qatlamnarnıñ kileşü êçendä kürsätkän bu yullamasın işetmämeşkä, kürmämeşkä salınu şansı qalmağandır”, - dip äytte.

Terror oyışmaları arasındağı bäyläneşkä dä tuqtalıp uzuçı Kurtulmuş “FETÖ”, “PKK” häm “DEAŞ”nıñ urtaq maqsatlarınıñ Törkiyäne totrıqsızlaştıru buluına iğtibarnı yünältte.

Premyer-ministr urınbasarı öç oyışmanıñ da bertörkem xisaplawların bergä yasawnıñ anlaşıluın assızıqladı.