“FETÖ xisap biräçäk häm alarnıñ tamırın qorıtaçaqbız”

Törkiyä ilbaşı Räcäp Tayyip Ärdoğan “Fätullahçı terror oyışması /parallel’däwlät qorılışı”nıñ 15 nçe iyül’däge tüntäreleş kereşüe belän millätkä xıyanät itkän bu cinayätçel törkemneñ xisap birçägen häm alarnıñ tamırın qorıtaçaqların belderde.

İlbaşı:”Alar ul  tönne 240 watandaşıbıznı şähit itette, 2 meñ 195 keşene yaraladı. Millätebezgä bu räweşle xıyanät itüçelärdän xisap soraw häm “FETÖ”neñ tamırların qorıtu-bezneñ burıçıbız”,-dide.

Törkiyä ilbaşı “Ğadälät häm qalqınu” partiyäseneñ 15 yıllığı uñayınnan partiya ğomum üzäge qarşında oyıştırılğan programmağa İstanbuldan videokonferenŝiya belän qatnaştı.

İlbaşı Ärdoğan üz çığışında “Fätullahçı terror oyışması”n küzdä totıp , törle höcümnär belän näticägä ireşä almawçılarnıñ 2013 nçe yıldan birle yaña sŝenariylar äzerläwlären ,ämma här sŝenariydä uñışsızlıq,ottıru toyğısın kiçerülären citkerde.

Ärdoğan 15 nçe iyül’ tönendä Törek Qorallı Köçlare êçenä üter kergän “Fätullahçı terror oyışması” äğzası ber törkem ğaskärneñ tüntäreleş kereşüen törek miläteneñ ber yöräk, ber tawış bulıp ,üz kiläçäge öçen köräşep totqarlawın assızıqladı.

Törkiyä ilbaşı Räcäp Tayyip Ärdoğan “Ğadälät häm qalqınu” partiyäse qorılunıñ 15 yıllığı uñayınnan twitter aşa yullama yasadı.

Partiyäneñ 2001 nçe yılnıñ 14 nçe avgustında millätneñ xaq,xoquq häm ğadälät êzlänüläreneñ näticäse bularaq qorıluın beldergän Ärdoğan :”Ğadälät häm qalqınu” partiyäse Törkiyäneñ ofığın açuda möhim rol’uynadı”,-dide.