İran tışqı êşlär ministrı Änkarada oçraşularda qatnaştı

Törkiyä ilbaşı Räcäp Tayyip Ärdoğan räsmi säfär belän Änkarağa kilgän İran tışqı êşlär ministrı Cävad Zarifnı qabul itte.

Qunaq ministr oçraşudan soñ Törkiyä tışqı êşlär ministrı Mävlüt Çavuşoğlu belän bergä 15 nçe iyül’ tönendä “Fätullahçı terror oyışması”tüntäreleşçeläre bombalağan Törkiyä Böyek Millät Mäclese binasın qaradı.

Biredä tüntäreleş tönendä parlamentnıñ bombalanğan häm zıyan kürgän urınnarın kürgän Zarif bu mäs’älädäge borçıluların da citkerde.

Cävad Zarif şundıy uq waqiğanıñ 100 yıl elek İran parlamentında da küzätelüen ,şuña kürä Törkiyäneñ xis-toyğıların bik yaxşı añlawın assızıqladı.

İran tışqı êşlär ministrın premyer-ministr Binali Yıldırım da qabul itte.