"Yaña adımnar belän üzgä êtapqa küçäbez"

Törkiyä ilbaşı Racäp Tayyip Ärdoğan 15nçe iyul’ könge tüntäreleş kereşüennän son berençe çit ilgä säfäre qısalarında Rusiyägä kitte.

Säfär 24nçe noyabr könne Rusiyä xärbi oçqıçınıñ törek hawa kiñlegen bozuı arqasında bärep töşerelüennän bügengä qadär Rusiyä Federaśiyase däwlät başlığı Vladimir Putin belän berençe küreşep söyläşü buluı cähatennän dä ähämiyätkä iyä.

Törkiyä ilbaşı Rusiyä liderı Putin belän Sankt Peterburgtağı Konstantinovskiy sarayında cılı atmosferada küreşte.

İke lider ikese genä häm wäkilleklärara söyläşülärdän soñ bar dönyada qızıqsınu belän kötelgän oçraşuları xaqında matbuğatqa qısqa açıqlaw yasadı.

Putin oçqıçı krizisınnan soñ mönäsäbätlär äkrenäysä dä 15nçe iyul’ könge tüntäreleş kereşüennäñ soñ Ärdoğanğa berençe itep şaltıratuçılardan buluın citkerep: “Bügen dä Rusiyägä xuş kildegez. İke yaqlı mönäsäbätlärebezne üzara söyläşü öçen tapqan bu forsat öçen räxmätemne belderäm,” – dide.

Ärdoğan isä ike il arasında bolay da uñay barışqa kergän mönäsäbätlärneñ yasalaçaq yaña adımnar belän ayırmalı êtapqa küçäçägen äytte.

15nçe iyul’ könne Putinnıñ şaltıratuınnan qanäğat buluın citkergän Ärdoğan bügenge oçraşu belän töbäktäge problemalarnıñ çişeleşenä dä öleşneñ kerteläçägen belderde.

Ärdoğan: “Töbäkneñ säyäsi bularaq bezdän kötkännäre bar,” – dide.

Ärdoğan häm Putinnıñ söyläşülärdän soñ matbuğat oçraşuı ütkärüläre kötelä.