Demokratiya näwbäte däwam itä
15 nçe iyül’däge tüntäreleş kereşüenä reakŝiya belderü öçen 81 şähär mäydannarında cıyılğan watandaşlar demokratiya näwbätendä qatnaşa
Törkiyädä “Fätullahçı terror oyışması/parallel’däwlät qorılışı”nıñ 15 nçe iyül’däge tüntäreleş kereşüenä reakŝiya belderü öçen 81 şähär mäydannarında cıyılğan watandaşlar demokratiya näwbäten däwam itterä.
Änkarada 15 nçe iyül’Qızılay demokratiya mäydanı – här yäştäge watandaşnıñ näwbät urını.
Qullarına bayraq totqan xalıq tön buyı şähitlär häm ğazilar öçen doğa qıldı.
Tüntäreleşçelärne berençe bulıp ütergän şähit keçe ofitser Ömär Halisdämirneñ tuğannarı häm yaqtaşları da demokratiya näwbätendä qatnaştı.
Başqalada demokratiya näwbäte däwam itkän tağın ber urın isä –ilbaşı idaräse kölliyäte yanındağı Millät mäçete yanı .
Olısı ,keçese härkem biredä Watanı öçen demokratiya sağı näwbätendä.
İstanbul qalasında da yöz meñnärçä keşe mäydannarğa ağıldı.
Taksimdağı demokratiya näwbätenä ğailä häm soŝial säyäsätlär ministrı Fatma Bätül Sayın Kaya belän ilbaşı Räcäp Tayyip Ärdoğannıñ qızı Sümäyyä Ärdoğan Bayraktar da qatnaştı.
Törkiyä ilbaşınıñ yortı urnaşqan Kısıklıda da watandaşlar tüntäreleş kereşüennän soñ mäydannı ber dä buş qaldırmadı.
Tışqı êşlär ministrı Mävlüt Çavuşoğlu da demokratiya näwbäte öçen Kısıklıda ide.
Änkara häm İstanbuldağı kebek Törkiyä külämendä watandaşlar qullarına Törkiyä bayrağı kütärep irtänge säğätlärgä qadär demokratiya sağın däwam itterde.
Bäyläneşle xäbärlär
Hindstannıñ Änkara ilçese wafat
Yaman şeş awıruınnan däwalanğan ilçe Virander Paul üz ilendä mäñgelekkä küzlären yomdı
Ğıyraqtan şähit xäbäre
Ğıyraqnıñ tön’yağındağı “Pänçä-Kilit” operaśiyäse töbägendä ber ğaskäri şähit bulğan
