İlbaşı Ärdoğan: “Barısın da çistartuıbız zarur bulaçaq”
Ärdoğan: “Wazıyfadan alu barışın ğädättän tış xäl waqıtında däwam itäçägebez kebek bu êşneñ cayğa salınmawın kürgän çaqta Franśiya kebek ozınayta alabız”
İlbaşı Ärdoğan ber televideniye programmasında tüntäreleş kereşüe belän bäyle açıqlawlar yasadı.
Şähitlärebezneñ 237, yaralanuçılarnıñ da 2 meñ 191 buluın äytüçe İlbaşı Räcäp Tayyip Ärdoğan “Fätullahçı” terror oyışması/ parallel däwlät qorılışı “FETÖ/PDY”neñ 15nçe iyüldäge tüntäreleş kereşüennän soñ qulğa alınuçılarnıñ 18 meñ 699, saq astına alınuçılarnıñ isä 10 meñ 137 buluın belderde.
İlbaşı Räcäp Tayyip Ärdoğan, çigenderelgän tüntäreleş kereşüennän soñ millätneñ dönyada ike meñ törkeme bulğan bu legal bulmağan oyışmanı tağın da yaxşıraq tanuın assızıqlap:
"Däwlätneñ böten oyışmalarında törkemnäre bar. Barısın da çistartuıbız zarur bulaçaq. Küp sanda wazıyfadan alular bar. Bu wazıyfadan alu barışın ğädättän tış xäl waqıtında däwam itäçägebez kebek bu êşneñ cayğa salınmawın kürgän çaqta Franśiya kebek ozınayta alabız”, - dip äytte.
Ärdoğan ayıruça jandarmeriyağa monnan arı soldat häm yefreytorlarnıñ alınmayaçağın, sıynıf ofiśerlarınıñ general bula alaçağın, xärbi mäktäplärneñ yabılaçağın, Jandarmeriya akademiyäseneñ tözeläçägen, liśeydan xärbi uqu yortına küçep bulaçağın, Milli saqlanu universitetınıñ qorılaçağın, arsenal häm xärbi köç citäkçelekläreneñ böteneseneñ dä Milli saqlanu ministrlığına bäyle bulaçağın belderde.
