"Könbatıştan qayğı urtaqlaşu öçen beräw dä kilmäde"

 Törkiyä  ilbaşı Räcäp Tayyip Ärdoğan “Fätullahçı terror oyışması/parallel’ däwlät qorılışı”nıñ 15 nçe iyüidäge tüntäreleş kereşüendä 237 keşeneñ şähit buluın belderep, Könbatıştan qayğı urtaqlaşu öçen beräwneñ dä kilmäwenä basım yasadı.

Ärdoğan bu xaqta ilbaşı idaräse sarayında Şähitlärne iskä alu kiçäsendä yasağan çığışında citkerde.

Tüntäreleşçelärneñ bombalawları näticäsendä 2 meñ 191 keşeneñ dä yaralanuın xäterlätüçe ilbaşı :”Monı barı tik kyäfer eşlär. Min möselman, min törek digän ber keşe monı eşli alırmı?”dide.

Törkiyä ilbaşı Könbatışnı tänqitläp:”Bolar bezgä aqıl birä. “Eşlärennän çitläştergännär öçen borçılabız”dilär. Sez üz eşegezne qarağız. Minem ildä tüntäreleş buldı. 237 keşe keşe şähit buldı, 2 meñ 191 keşe yaralandı. Bezgä bu mäs’älädä näsixät birmägez”,-dide.

“Fätullahçı terror oyışması/parallel’ däwlät qorılışı”nıñ 40 yıllıq ütkäne buluın belderüçe Ärdoğan , alar belän 20 säğät êçendä xisaplaşuların citkerde.

15 nçe iyüldä barı tik armiyäne genä tügel, cämğiyätne dä üz qullarına alırğa teläwlären belderüçe Ärdoğan, xalıqnıñ Watan turında süz barğanda qalğan barlıq närsäne onıtıp xäräkät itüen assızıqladı.

İlbaşı Ärdoğan:”15 nçe iyüldäge tüntäreleş kereşüe barı tik xökümätne genä bärep töşerergä tügel, cämğiyätne dä üz qulına alunı maqsat itep quydı. Uñışqa ireşkän bulsalar, 16 nçı iyüldä bötenläy başqa tormış başlanğan buluır ide. Xalqıbız bu qurqınıçnı kürep, añlap tüntäreleş kereşüenä qarşı çıqtı ,däwlät häm citäkçelär yanında buldı”,-dide.