Änkarada qunaq premyer

Änkara Tönyaq Kipr Törek Cömhüriyäte premye-ministrı Xösäyen Özgürgün häm yanındağı wäkillekne qunaq itä.

Özgürgün Çankaya sarayında premyer-ministr Binali Yıldırım tarafınnan tantanalı räweştä qarşı alındı.

Qarşılaw tantanasında premyer-ministr urınbasarı Tuğrul Türkäş, tışqı êşlär ministrı Mäwlüt Çavuşoğlu, Mädäniyät häm turizm ministrı Nabi Avcı belän Urman xucalığı häm su êşläre ministrı Väysäl Äroğlu da qatnaştı.

Oyıştırılğan tantanadan soñ ike yaqlı häm wäkilleklärara söyläşülär ütkärelde.

Söyläşülärneñ kön tärtibendä Fätullahçı terror oyışması/parallel’ däwlät qorılışınıñ 15nçe iyuldäge tüntäreleş kereşüe bar ide.

Tüntäreleş kereşüennän soñ FETÖ/PDY terror oyışması Tönyaq Kiprda da Ministrlar Şurası qararı belän terror oyışması isemlegenä kertelde.

Törkiyä premyerı Binali Yıldırım da Tönyaq Kipr Törek Cömhüriyätenä qaçqan tüntäreleşçelärneñ qaytarılaçağın açıqladı.

İke premyer-ministr Tönyaq Kiprdağı qorallı köçlär berlekläre belän bäyle wazğiyätkä dä tuqtaldı.

Söyläşüdän soñ ike premyer matbuğat oçraşuı oyıştırdı.

Premyer-ministr Binali Yıldırım 15nçe iyul könne törek miläteneñ dastan yazuın belderep, Törkiyä ilbaşı Räcäp Tayyip Ärdoğan belän ber rättän xökümät häm törek xalqınıñ torışı yärdämendä bu çirqanıç kereşüne kire çigenderep, dönya demokratiya tarixına kerülären assızıqladı.

Özgürgün dä Tönyaq Kiprda Fätullahçı terror oyışması/parallel’ däwlät qorılışı FETÖ/PDTğa yul birmäyäçäklären citkerde.