AQŞqa 4 dosye cibärelde

Törkiyä premyer-ministrı Binali Yıldırım Fätullahçı terror oyışması FETÖnıñ 15nçe iyul könge tüntäreleş kereşüennän cawaplı bulğan Fäthullah Gülänneñ tapşırıluı öçen Amerika Quşma Ştatlarına 4 dosye cibärülären açıqladı.

Törkiyä premyerı: “Bu parallel’ oyışma monnan soñ bernindi il öçen qurçaq bula almayaçaq,” – dide.

Ğadälät häm qalqınu partiyaseneñ Törkiyä Böyek Millät Mäclesendäge törkem cıyılışında çığış yasağan premyer-ministr Yıldırım bügenge köndä iskärmäsez härkemneñ, bar dönyanıñ FETÖ äğzaläreneñ ni qadä qurqınıç qorallı oyışma buluın tağın ber tapqır küräçägen äytte.

Törkiyä ilbaşı Ärdoğan häm üzeneñ terror oyışması başlığınıñ tapşırıluı öçen AQŞqa çaqıru yasawın xäterlätkän Yıldırım Ğadälät ministrlığınıñ tapşıru taläbenä qarağan 4 dosyenı Amerikan citäkçelegenä cibärüen belderde.

AQŞnıñ tapşıru mäs’äläsendäge totışın da tänqitlägän Yıldırım: “11nçe sentyabr könge höcümdän soñ terrorçılarnı sorağanda dälil soradığızmı? Guantanamoda da şöbhäle keşelärne cıyğanda qulığızda dälil bar ideme? Bin Ladin öçen dälil soramağanda Fätullah Gülän öçen waqiğa ap-açıq bulğanda, dälillär bulğanda ni öçen dälil sorıysız? Bu xainne, bu terror oyışması başlığın yaqlawdan waz kiçegez. Monıñ sezgä dä faydası yuq, keşelekkä dä faydası yuq, İslamiyätkä dä. Bu parallel’ terror oyışması monnan soñ bernindi il öçen qurçaq tügel,” – dide.