“Kürşe illär belän mönäsäbätlärne tağın da kamilläşteräçäkbez”

  Törkiyä premyer-ministrı Binali Yıldırım Törkiyäneñ kürşe,çiktäş illär belän mönäsäbätlärne tağın da kamilläşteräçägen belderde.

Premyer-ministr “Ğadalät häm qalqınu” partiyäseneñ säyäsät akademiyäse uqıtu-öyrätü programmasında qatnaştı.  

Binali Yıldırım biredä yasağan çığışında dönyada Törkiyä bayrağı cilferdämägän urın bulmawın belderep, Törkiyäneñ barlıq illärne dus itep kürüen , monnan soñ da Qara diñgez häm Urta diñgez tirä-yağındağı illär belän duslıqnı tağın da nığıtaçaqların , kileşmäwçänleklärne iñ tüban däräcägä töşerü öçen tırışaçaqların citkerde.

Töbäktä häm dönyada tınıçlıq urnaştıru öçen bar köçlärenä tırışaçaqların belderüçe premyer-ministr İzrail häm Rusiya belän mönäsäbätlärneñ cayğa salınuın da añlattı.

Terror waqiğalarına häm terrorğa qarşı köräş mäs’älälärenä dä tuqtaluçı Binali Yıldırım süzen bolay dip däwam itterde:” Maqsatıbız – terror mäs’äläseneñ Törkiyä kön tärtibendäge soñğı maddälär arasında urın alu häm il eçendä terrornı kontrol astına alu. Beräw dä  bezgä bu mäs’älädä näsixät birmäsen. Separatist terror oyışması tınıç xalıqnı üterep,politsiya xezmätkärlären, ğaskärlärebezne şähit  itkändä operatsiyälär älbättä däwam itäçäk”.