Rusiyä belän berençe uñış turizmda
Tışqı êşlär ministrı Mäwlüt Çavuşoğlu Törkiyä belän Rusiyä arasında cayğa salına başlanğan mönäsäbätlärneñ berençe uñışın turizmda aluların äytte.
Çavuşoğlu Antaliyanıñ Alaniya ilçäsendä oyıştırılğan iftar aşında yasağan çığışında Rusiyä Federaśiyäseneñ säyäxät çikläwlären ğämäldän çığaruın belderde.
Monnan soñ Rusiyä belän söyläşülärneñ tağın da yış bulaçağın, İlbaşı Räcäp Tayyip Ärdoğan häm Rusiyä Federaśiyäse Däwlät başlığı Vladimir Putinnıñ qara-qarşı oçraşuınıñ uzaçağın assızıqlawçı Çavuşoğlu ike il ministrlarınıñ da ike yaqlı bularaq küreşep ike yaqlı mönäsäbätlär mäs’äläsendä adımnarnı tiz räweştä yasayaçaqların äytte.
Ärdoğan-Putin telefon söyläşüennän soñ şunda uq Putinnıñ ilendäge räsmilärgä boyırıq birüen citkerüçe Çavuşoğlu bu dialognıñ berençe uñışın turizmda aluların belderde.
Çavuşoğlu Rusiyä Federaśiyäse premyer-ministrı Dmitriy Medvedevneñ isä turizm mäs’äläsendä qalqan çikläwlärne beterüe belän ber rättän: "Törkiyägä barırğa teläwçe, Törkiyädä bu matur yal itü mömkinleklärennän faydalanırğa teläwçelär bıyıl bu mömkinlektän motlaq räweştä faydalansın", - dip belderü yasawına iğtibarnı yünältep, bu açıqlawlarnı qänäğätlelek belän qarşılawların assızıqladı.
