Çavuşoğlu - Lavrov söyläşüe

Törkiyäneñ tışqı êşlär ministrı Mäwlüt Çavuşoğlu Rusiyäneñ tışqı eşlär ministrı Sergey Lavrov belän küreşep söyläşte.

Qara diñgez iqtisadi xezmättäşlek oyışmasınıñ 34nçe ministrlar şurası cıyılışında qatnaşır öçen Rusiyäneñ Soçi şähärendä kitkän Çavuşoğlu söyläşüläre qısalarında Lavrov belän küreşte.

Çavuşoğlu söyläşüdän alda yasağan açıqlawında waqıt cähatennän möhim bulğan bu cıyılışqa çaqırılğanı häm cılı qarşılawı öçen Lavrovka räxmäten belderde.

Törkiyä ilbaşı Ärdoğannıñ Rusiyä ilbaşı Vladimir Putinğa cibärgän xatınnan soñ ike lidernıñ telefonda da söyläşülären xäterlätkän Törkiyä ministrı Çavuşoğlu: “Bu qoruçı häm uñay ide. Mönäsäbätlärebezneñ cayğa salınuı häm telängän däräcägä citkerelüe öçen bezgä dä söyläşüdä qaralğan mäs’älälärne küzätep baru boyırığı birelde,” – dide.

Lavrov isä Çavuşoğluna Qara diñgez iqtisadi xezmättäşlek cıyılışında qatnaşqanı öçen räxmäten beldergän.

Bu cıyılış yärdämendä taraflar arasında ike yaqlı söyläşü mömkinlegeneñ barlıqqa kiläçägen citkergän Lavrov Törkiyä ilbaşı Putinğa cibärgän xat häm ütkärgän telefon söyläşüe bäyläneşendä mönäsäbätlärneñ yaxşıruı öçen praktik adımnarnı qarayaçaqların beldergän.