Terror höcümendä 41 keşe ülde

İstanbul vilayät idaräse Atatörek hawa mäydanındağı terror höcümendä ülüçelär sanınıñ 41gä citüen açıqladı.

Vilayät idaräseneñ yazulı açıqlawına kürä yaqtı dönyadan kitüçelärneñ 13e - çit il keşese.

Höcümneñ “DEAŞ” terror oyışması tarafınnan oyıştırıluı uylanıla.

Höcümnän son säfärlär öçen yabılğan Atatörek hawa mäydanı säğat 02.22dä qabat transport xäräkäte öçen açıldı, terminallardağı eş barışı cayğa salındı.

Atatörek hawa mäydanında barlıqqa kilgän terror höcümennän soñ İstanbulğa kilgän turistlar terrorçılıqnıñ maqsatına ireşmäwe öçen Törkiyägä kilüne häm säyäxät itüne däwam itteräçäklären äytte.