Ğazzägä berençe yärdäm

Törkiyä belän İzrail arasında tä’min itelkän kileşüdän soñ Ğazzägä berençe yärdäm 1nçe iyul comğa könne Mersin portınnan quzğalaçaq.

10 meñ tonnalıq humanitar yärdäm “Läylä xanım” isemle köymä belän cibäreläçäk.

Yärdäm materialları Afät häm ğadättän tış xällär idaräse AFAD, İgen uñışları ofisı häm Törek Qızılayı tarafınnan äzerlände.

Köymägä 10 meñ azıq-tölek paketı, 5 meñ tonna on häm 3 meñ tonna şikär töyäläçäk.

100 meñ kiyem-salım häm 10 meñ uyınçıq belän Ramazan bäyrämendä Ğazzäle balalar söyendereläçäk.

Yärdäm materialları İzrailneñ Aşdod portınnan Ğazzägä ireştereläçäk.

“Qızılay” ğomüm başlığı Käräm Kınık: “Törkemnärebez Aşdod portında. Yärdäm materialları yaqınça 450 yök maşinası xätle. Alarnı Ğazzägä ireşteräçäklär. 1,8 million keşe yäşägän Ğazzädä 80%ı qaçaqlar häm embargo arqasında awır xäldä qalğan keşelär, yärdämnär andağı Fälästin Qızılayı xezmättäşlege yärdämendä bilgelängän ixtıyacı bulğan ğailälärgä taratılaçaq.

Afät häm ğadättän tış xällär idaräse ictimaği oyışmalarğa yasağan çaqıruınnan soñ Deniz Fänäre cämğiyäte Ğazzä öçen 1 yök maşinası xätle azıq-tölek yärdäme äzerläde.