İstanbulda Qırım sörgene protestı

Qırım tatarlarınıñ sörgengä cibärelüeneñ 72 yıllığında İstanbulda protest yöreşe oyıştırıldı.

1944nçe yılda Sovyetlar Berlege çınğa aşırğan sörgenne protest itkän törkem İstiklal prospektında cıyılıp, Rusiyä Federatsiyase konsullığına taba yörede.

Qullarına törek häm Qırım bayraqları totqan keşe törkeme şiğarlär äytep, Rusiyäne protest itte.

Sörgendä şähit buluçılar öçen uqılğan doğalardan soñ Törkiyä häm Qırım gimnnarı başqarıldı.

Çarada qatnaşuçılar Yevrovideniye cır bäygesendä berençelekne yawlağan Cämiläneñ Qırım sörgenen añlatuçı “1944” isemle cırın bergä cırladı.

Sörgen häm Qırım tatarlarınıñ köräşen añlatuçı çığışlardan soñ Rusiyä Federatsiyase konsullığına qara töstäge venok quyıldı.

Soñınnan Galatasaray litseyına qadär barğan törkem monda şämnär belän Qırım bayrağı häm Qırım kartasın barlıqqa kiterde.