Törkiyä ilbaşı Cämiläne qotladı
Ärdoğan Yevrovideniye cır bäygesendä Ukrainanı wäkillek itep çığış yasağan häm berençe urınnı yawlağan Qırım tatar qızı Cämilägä telefonnan şaltıratıp anı ciñüe belän qotladı
492061
Törkiyä ilbaşı Räcäp Tayyip Ärdoğan şimbä könne Şvetsiyädä uzğan Yevrovideniye cır bäygesendä Ukrainanı wäkillek itep çığış yasağan häm berençe urınnı yawlağan Qırım tatar qızı Cämilägä telefonnan şaltıratıp anı ciñüe belän qotladı.
İlbaşı idaräse çığanaqları beldergänçä, “1944” isemle cırı belän bäygedä berençe urınğa iyä bulğan Cämilägä monnan soñğı sänğät eşçänlegendä icadi uñışlar teläde.
Qırım tatar sänğätçese Cämilä bu şaltıratudan bik dulqınlanuın belderep ilbaşına räxmätlären citkerde.