Şırnakta balalar yaralandı

Şırnaknıň Silopi ilçӓsendӓ balalar tapqan ber cisemneň şartlawı nӓticӓsendӓ 1 bala yaqtı dönyadan kitte, 3 bala yaralandı.

Yӓkşӓmbe kiçke sӓğatlӓrdӓ keçkenӓ yılğa buyında uyın uynawçı 4 bala tapqan cisem belӓn uynıy başlağan.

Cisemneň qullarında şartlawı nӓticӓsendӓ 8-12 yӓşlӓrendӓge 4 bala awır yaralandı.

Xastaxanӓgӓ salınğan balalardan berseneň ğomere özelde.

Diyarbakırnıň Üzӓk Sur ilçӓsendӓ dӓ Mardin Kapıda urnaşqan politsiya kontrol urınına ber transport çarasınnan bilgesez keşelӓr tarafınnan açılğan ut nӓticӓsendӓ ber politsiya xezmӓtkӓre yaralandı.

Yaralanğan politsiya xezmӓtkӓre waqiğa urınına kilgӓn aşığıç yӓrdӓm kürsӓtü maşinası belӓn Diyarbakır Xӓrbi xastaxanӓsenӓ cibӓrelde.

Ğayeplӓnüçelӓrne ezli başlağan politsiya yaralanğan höcümçe belӓn yanındağı öç iptӓşen xastaxanӓdӓ qulğa aldı.