DAEŞ häm PKKnıñ finans çığanaqları ber törle

Törkiyä premyer-ministrı urınbasarı Numan Kurtulmuş DAEŞ terror oyışması häm PKKnıñ finans çığanaqlarınıñ şul uq buluına iğtibarnı caläp  itte.

Numan Kurtulmuş İstanbulda  oyıştırılğan Ordu Altınordalılar oçraşuwında qatnaştı.

Mondağı çığışında berlek häm bergälek mäsäläsen assızıqlağan Kurtulmuş terror höcümnären ğämälgä aşırğannarnıñ asılda Törkiyäneñ xärbi köçen belgännären häm  monın öçen dä xalıq arasında tarqatu  yasarğa tırışqanın söyläde.

DAEŞ häm PKK terror  oyışmalarına  çit ildän yärdäm itü mäsäläsendä dä qağılıp kitkän Kurtulmuş:

“Bolar qorallarnı qaydan alalar? Bolarga logisitika, iqtisad, säyäsät yärdämen kem yasıy? Bolarnı uylap qarağız äle”,dide.

Kurtulmuş  şuşı uyınnardan xäbärdär bulğannarın dä söyläp:

         “Bu uyın barı tik DAEŞ häm PKKnıñ barlıqqa kiterü uyını ğına tügel. Bu uyın Törkiyäneñ eçendäge ayırmalarnı  tarqatu öçen  säbäp yasarğa tırışu häm bu töbäktäge xalıqlarnıñ mäzhäp häm etnik cähätennän  ber bersenä döşman yasarğa tırışuwı bulıp tora”,dip bäyläde.