Ärdoğan-Ban Ki-Moon söyläşüe
Törkiyӓ ilbaşı Rӓcӓp Tayyip Ӓrdoğan BMO ğomüm sӓrqӓtibe Ban Ki-Moon belӓn telefonda söylӓşte
İlbaşı idarӓse çığanaqlarınnan alınğan mӓğlümatqa kürӓ BMO ğomüm sӓrqӓtibe söylӓşüdӓ Törkiyӓdӓ Bötendönya humanitar yuğarı dӓrӓcӓle oçraşuınıň oyıştırılaçağı öçen Törkiyӓ ilbaşına rӓxmӓten beldergӓn.
Ban 23-24nçe may könnӓrendӓ İstanbulda uzaçaq yuğarı dӓrӓcӓle oçraşuda bar dönyağa köçle yullamanıň yasalaçağına ışanuın belderep, BMO bularaq Törkiyӓ İlbaşı idarӓse hӓm xökümӓteneň xuplawınnan şat buluların açıqlağan.
Ӓrdoğan isӓ Törkiyӓneň Bötendönya humanitar oçraşuın berençe tapqır oyıştıru belӓn ğorurlanuların belderep, qatnaşuçılarnı yaxşı qunaq itü hӓm cıyılışnıň uňışı öçen kirӓkle barlıq xӓzerleklӓrneň başqarıluın citkergӓn.
Ӓrdoğan oçraşunıň global’ hӓm regional’ tӓraqqıyӓtlӓrgӓ qarağan fiker almaşu öçen dӓ forsat bulaçağın citkergӓn.
Süriyӓ hӓm Kipr mӓs’ӓlӓlӓre dӓ quzğatılğan söylӓşüdӓ Süriyӓdӓge borılış barışı hӓm qaçaqlar mӓs’ӓlӓsendӓ xalıqara cӓmğiyӓtneň tağın da tığız xezmӓttӓşlek başqaruı zarurlığına işarӓt itkӓn Törkiyӓ ilbaşı hӓm Ban Ki-Moon Kiprdağı problemağa
BMO ğomüm sӓrqӓtibe Ban Ki-Moon utrawdağı problemağa çişeleş tabu mӓs’ӓlӓsendӓ ömet buluın beldergӓn waqıtta Ӓrdoğan barışnı yaqınnan küzӓtep barularına iğtibar cӓlep itkӓn.
Bäyläneşle xäbärlär
Terrorçılıqqa qarşı köräş däwam itä
Süriyäneñ tön’yağında 3 “PKK/YPG”le terrorçı täêsirsez xälgä kiterelde