Diyarbakırda bombalı höcüm

Diyarbakırda politsiya minibusı yuldan uzğan waqıtta terrorçılar tarafınnan oyıştırılğan bombalı höcümdä 3 keşeneñ ğomere özelde.

Vilayät idaräsennän yasalğan açıqlawda höcümdä 12ese politsiya xezmätkäre bulğan barlığı 48 keşeneñ dä yaralanuı belderelde.

Aralarında ber aylıq bäbi dä bulğan yaralanuçılardan berse awır xäldä.

16 yaralanuçı isä xastaxanädä däwalanğannan soñ çığarıldı.

Höcüm qulğa alınğan 7 ğayeplänüçe politsiya minibusında meditsina kontrolenä alıp barılğanda oyıştırıldı. Yaqtı dönyadan kitkän 3 keşeneñ Diyarbakırnıñ Bismil ilçäsendäge ber eşxanäne separatist PKK terror oyışması isemennän qulğa töşerüe arqasında qulğa alınğan şöbhälelärneñ buluı öyränelde.

Şartlawdan soñ şaqtıy politsiya häm aşığıç yärdäm kürsätü törkeme cibärelgän töbäktä yulda çoqırnıñ barlıqqa kilüe, tirä-yaqtağı binalarnıñ zıyan kürüe açıqlandı.

İminlek köçläre tarafınnan terrorçılarnıñ qulğa alınuı öçen operatsiya başlatıldı.

Törkiyä ilbaşı Räcäp Tayyip Ärdoğan höcümnän soñ Diyarbakır vilayät idaräse başlığı Xösäyen Aksoyğa şaltıratıp, mäğlümat aldı.

Ärdoğan terror höcümen ğayepläde, yaralanğan politsiya xezmätkärläre häm watandaşlarğa şifalar teläde.

Törkiyä premyer-ministrı Äxmät Dawıtoğlu da höcümnän soñ Diyarbakır vilayät idaräse başlığı belän küreşte.

Dawıtoğlu soñınnan Çankaya ilbaşı sarayında Eçke eşlär ministrı Äfkan Ala häm Milli küzläw oyışması kiñäşçese Hakan Fidan belän küreşep, terror höcüme xaqında mäğlümat aldı.