Volkan Bozkır: “Awrupa sınawları Törkiyäsez bula almıy”

Törkiyäneñ Awrupa Berlege ministrı häm baş söyläşüçe Volkan Bozkır Törkiyäneñ Awrupa Berlegenä äğzalegeneñ tarixnıñ häm geografiyanıñ tabiği näticäse buluın äytte.

Bozkır 9nçı may Awrupa köne mönäsäbäte belän yasağan yazma belderüendä:

"Törkiyä belän Awrupa Berlege arasında söyläşülär barışınıñ alğa taba alıp barıluı belän däwam itelüçe yuğarı däräcäle dialog mexanizmnarı belän arttırılğan häm tizlätelgän mönäsäbätlärebezne urtaq mänfäğätlär häm kiläçäk küzallawı nigezendä üsterüdä qatğibız”, - dip äytte.

Awrupa köneneñ Awrupa qitğasınıñ bülengänlegeneñ beterelüen tä’min itkän Awrupa Berlege fikereneñ tuğan köne buluına basım yasawçı VolkanBozkır:

"Awrupa bötenläşüendä häm Törkiyäneñ Awrupa Berlege barışında xezmäte buluçılarnı xörmät häm räxmät burıçı belän iskä alıp, watandaşlarıbız belän bergä böten Awrupa xalıqlarınıñ 9nçı may “Awrupa köne”n qotlıym”, - dip belderde.

Törkiyäneñ Awrupa Berlegenä ahäñ barışında tormışqa aşırğan küp sanda reforma belän watandaşlarınıñ mullığın häm yäşäw standartların kütärüne maqsat itüen xäterlätüçe ministr Bozkır Awrupa Berlegeneñ nigezläre salınğan şuşı könneñ yıllığında terrorçılıq häm tärtipsez küçenü-migratsiya kebek urtaq sınawlarnıñ Törkiyäsez uzdırıla alınmayaçağına basım yasadı.