Könyaq - könçığış Anadolu töbägendä yaña çaralar

Törkiyädä könyaq - könçığış Anadolu töbäge şähärlärendä qayber ilçälär “PKK” terror oyışmasınnan arındırılğannan soñ xökümät yaña çaralar kürä başladı.

Ministrlar şurası qararı belän könyaq-könçığışta 13 iminlek bülekçäse tözelep töbäklärneñ iminlege arttırılaçaq.

Törek Qorallı Köçläre belän maxsus politsiya köçläre 2015 nçe yılnıñ iyül ayınnan başlap bu töbäklärdä separatist terror oyışmasınıñ tä'siren kimetü maqsatı belän urtaq operatsiya başlattı.

Älege operatsiyälär qısasında terror oyışmasınıñ barrikada häm çoqırları arındırıla.

Däwlät operatsiyälär zur külämdä tämamlanğan ilçälärdä çaralar kürä başladı.

Kritik ilçälärneñ qayber mäxällälärendä maxsus iminlek bülekçäläre buldırılaçaq.

Bu iminlek bülekçälärendä maxsus politsiya köçläre wazıyfa başqaraçaq.

İminlek ğomum mödirlege taläbe belän ministrlar şurası politsiya iminlek bülekçäläre buldırılaçaq urınnar belän bäyle däwlätläşterü qararı qabul itte.

Räsmi gazetta basılıp çıqqan qararğa kürä, Diyarbakır Bağlar mäxälläsendä 2,Kayapınar mäxällasendä 1,Hakkari Çukurca ham Yüksäkovada 1är, Mardin Kızıltäpädä 2,Şırnak Cizrä Yasef mäxälläse häm İdil Atakent mäxälläsendä ikeşär,Nur häm Cudi mäxällälärendä berär politsiya iminlek bülekçäse buldırılaçaq.